പിൻവാങ്ങാൻ അവസരമുണ്ടായിട്ടും പോരാടിയ ഭാരതത്തിന്റെ ഏഴ് ബിഎസ്എഫ് സിംഹികൾ; നാരീശക്തിയ്ക്ക് മുന്നിൽ തോറ്റോടിയ പാക് സൈനികർ

ഇന്ത്യയുടെ ഓപ്പറേഷൻ സിന്ദൂരിന്റെ വിജയത്തിന് ശേഷം വിളറി പൂണ്ട പാക് സൈന്യം അതിർത്തിഗ്രാമങ്ങളിൽ പ്രകോപനപരമായി ഷെല്ലാക്രമണം നടത്തിയാണ് ആശ്വാസം കണ്ടെത്തിയത്. പാകിസ്താന്റെ ഭ്രാന്തൻ ഷെല്ലാക്രമണത്തെ ഇന്ത്യൻ സൈന്യത്തിലെ ധീരവനിതകളിൽ ചിലർ നേരിട്ട സംഭവമാണ് ഇപ്പോൾ ചർച്ചയാവുന്നത്.

ജെ പി ദത്തയുടെ 1997-ൽ പുറത്തിറങ്ങിയ ബോർഡർ എന്ന സിനിമയക്ക് സമാനമായിരുന്നു അത്. തീവ്രമായ ഷെല്ലാക്രമണം നേരിടുകയും അതിർത്തി പോസ്റ്റുകളിൽ നിന്ന് പിൻവാങ്ങാനുള്ള ഓപ്ഷൻ നൽകുകയും ചെയ്തിട്ടും, അതിർത്തി സുരക്ഷാ സേന (ബിഎസ്എഫ്) ഉദ്യോഗസ്ഥർ പ്രതിരോധിക്കുക മാത്രമല്ല, തിരിച്ചടിക്കുകയും ചെയ്തു. അസിസ്റ്റന്റ് കമാൻഡന്റ് നേഹ ഭണ്ഡാരിയുടെ നേതൃത്വത്തിലുള്ള ഒരു വനിതാ സംഘമായിരുന്നു രാജ്യത്തിന്റെ അഭിമാനം കാത്ത ആ ധീരജവാന്മാർ. ഇന്ത്യയുടെ ഓപ്പറേഷൻ സിന്ദൂരിന് പ്രകോപിതരായ പാകിസ്താൻ തിരിച്ചടിച്ചപ്പോൾ, മൂന്ന് നീണ്ട പകലും രാത്രിയും, ഏഴ് സ്ത്രീകൾ സ്ഥലത്ത് തന്നെ തുടർന്നു, അവരുടെ പോസ്റ്റുകൾ പ്രതിരോധിച്ചു, ശത്രുവിനെ തുരത്തിയോടിച്ചു.

ജമ്മു കശ്മീരിലെ അഖ്നൂർ സെക്ടറിലെ വനിതാ സൈനികരുടെ ഈ ധീരതയെ കൂടുതൽ ശ്രദ്ധേയമാക്കുന്നത് ഇത് അവരുടെ ആദ്യത്തെ സജീവ പോരാട്ടമായിരുന്നു എന്നതാണ്. ഇത് അവർക്ക് ജീവിതത്തിൽ ഒരിക്കൽ മാത്രം ലഭിക്കുന്ന അവസരമായിരുന്നു, അവർ അത് ധൈര്യത്തോടെ ഏറ്റെടുത്തു.

ടീമിനെ നയിച്ചിരുന്ന അസിസ്റ്റന്റ് കമാൻഡന്റ് ഭണ്ഡാരി ഏകദേശം മൂന്ന് വർഷം മുമ്പാണ് ബിഎസ്എഫിൽ ചേർന്നത്. ഇന്ത്യൻ സൈന്യം ഇതുവരെ സമാനമായ സംഘങ്ങളിൽ സ്ത്രീകളെ വിന്യസിച്ചിട്ടില്ലാത്തപ്പോൾ, ഒരു യുദ്ധരംഗത്ത് ഒരു ടീമിനെ നയിക്കുന്ന ആദ്യത്തെ വനിതാ ഓഫീസറായി ഭണ്ഡാരി മാറി.ഓപ്പറേഷൻ സിന്ദൂരിനു കീഴിൽ, ബിഎസ്എഫ് പൂർണ്ണ ശക്തിയോടെ തിരിച്ചടിച്ചു – 76 പാകിസ്താൻ അതിർത്തി ഔട്ട്പോസ്റ്റുകളും 42 ഫോർവേഡ് ഡിഫൻസ് ലൊക്കേഷനുകളും ആക്രമിച്ചു, മൂന്ന് തീവ്രവാദ ലോഞ്ച് പാഡുകളും 70 ഫോർവേഡ് പാകിസ്താൻ പോസ്റ്റുകളും നശിപ്പിച്ചു.

നേരിട്ടുള്ള വെടിവയ്പ്പിൽ ഏർപ്പെട്ട ആറ് സ്ത്രീകളിൽ നാലുപേർ 2023 ൽ സേനയിൽ ചേർന്നു, രണ്ടുപേർക്ക് ഏകദേശം രണ്ട് പതിറ്റാണ്ടിന്റെ പരിചയമുണ്ട്. പഞ്ചാബിൽ നിന്നുള്ള വെറ്ററൻമാരായ മഞ്ജിത് കൗറും മാൽകിത് കൗറും രണ്ട് നിർണായക സ്ഥാനങ്ങൾ നയിച്ചു – ഒരു നിരീക്ഷണ പോസ്റ്റും ഒരു ബങ്കറും. പശ്ചിമ ബംഗാളിൽ നിന്നുള്ള സ്വപ്ന രഥ്, ശംപ ബസക്, ജാർഖണ്ഡിൽ നിന്നുള്ള സുമി സെസ്, ഒഡീഷയിൽ നിന്നുള്ള ജ്യോതി ബനിയൻ എന്നിവർക്ക്, കഠിനമായ പരിശീലനത്തിലൂടെ വികസിപ്പിച്ചെടുത്ത കഴിവുകളുടെയും അച്ചടക്കത്തിന്റെയും ശക്തമായ ഒരു പരീക്ഷണമായിരുന്നു ഈ ദൗത്യം.