ഡല്ഹി: ഇന്ത്യയിലേക്ക് നുഴഞ്ഞു കയറിയ പത്ത് ഭീകരരില് മൂന്ന് പേരെ സൈന്യം വധിച്ചു. ഗുജറാത്തിലെ സോമനാഥ് ക്ഷേത്രം ലക്ഷ്യം വെച്ചാണ് തീവ്രവാദികള് ഇന്ത്യയിലെത്തിയതെന്നാണ് രഹസ്യാന്വേഷണ വിഭാഗം അറിയിച്ചിട്ടുള്ളത്. ലഷ്കര് ഇ ത്വയ്ബ, ജയ്ഷ ഇ മുഹമ്മദ് ഭീകരരാണ് നുഴഞ്ഞുകയറിയത്.
മുംബൈ മോഡല് ആക്രമണം ലക്ഷ്യമിട്ട് പത്തംഗ തീവ്രവാദി സംഘം ഗുജറാത്ത് വഴി ഇന്ത്യയിലേക്ക് കടന്നുവെന്ന് ആദ്യംതന്നെ മുന്നറിയിപ്പ് നല്കിയത് പാക് സുരക്ഷാ ഉപദേഷ്ടവാണ്. അതേസമയം, പത്തു ഭീകരരില് ഏഴുപേര് ഡല്ഹിലേക്ക് കടന്നിരിക്കാമെന്നാണ് സംശയിക്കുന്നത്. ഭീകരരെ കണ്ടെത്താനുള്ള നീക്കം നടത്തുകയാണെന്നും എന്നാല് ഇതുസംബന്ധിച്ച് കൂടുതല് വിവരങ്ങള് പുറത്തു വിടില്ലെന്നുമാണ് സൈന്യം അറിയിച്ചത്. 200 കമാന്ഡോകളാണ് ദൗത്യത്തിനായി നിയോഗിച്ചിരിക്കുന്നത്.
ശിവരാത്രി ആഘോഷങ്ങളോടനുബന്ധിച്ച് ആക്രമണം നടത്തുന്നതിനായി പത്തോളം ഭീകരര് നുഴഞ്ഞു കയറിയിട്ടുണ്ടെന്ന വിവരത്തിന്റെ അടിസ്ഥാനത്തില് ഇന്ത്യന് സുരക്ഷാ വിഭാഗം അതീവ ജാഗ്രതയിലായിരുന്നു.
Discussion about this post