മോഹന്‍ലാലിനെതിരെ പറഞ്ഞാല്‍ താന്‍ എന്നും പ്രതികരിക്കുമെന്ന് സംവിധായകന് മേജര്‍ രവി. ബന്യാമിന് ആരാണെന്ന് പോലും എനിക്കറിയില്ല, വേറെ എതെങ്കിലും വിഷയമായിരുന്നുവെങ്കില്‍ താന്‍ പ്രതികരിക്കില്ലായിരുന്നു. എന്നാല്‍ മോഹന്‍ലാല്‍ എന്ന നടന്റെ പേര് ഇതിലേക്ക് വലിച്ചിഴച്ചത് കൊണ്ടാണ് ഇപ്പോള്‍ പ്രതികരിക്കുന്നത്. ഒരു പ്രമുഖ ഓണ്‍ലൈന് നല്‍കിയ അഭമുഖത്തില്‍ മേജര്‍ രവി പ്രതികരിച്ചു.
‘ഞാന്‍ ആരാധിക്കുന്ന ഒരു വ്യക്തിയാണ് മോഹന്‍ലാല്‍. അതേ പോലെ ഒരു പട്ടാളക്കാരന്‍ എന്ന നിലയില്‍ എനിക്കും അദ്ദേഹം ആദരവ് തരുന്നുണ്ട്. വെറുമൊരു സിനിമാബന്ധമല്ല ഞങ്ങള്‍ തമ്മില്‍. ഞാനും ലാലും തമ്മിലുള്ള ബന്ധത്തെപ്പറ്റി ആരെയും ബോധ്യപ്പെടുത്തേണ്ട ആവശ്യവും എനിക്കില്ല. എന്റെ പ്രത്യേക താല്‍പര്യ പ്രകാരമാണ് മോഹന്‍ലാല്‍ ബ്ലോഗ് എഴുതിയതെന്നാണ് ഇവരെപ്പോലെയുള്ളവരുടെ വിചാരം. എന്നേക്കാള്‍ അറിവും അനുഭവും ഉള്ള വ്യക്തിയാണ് മോഹന്‍ലാല്‍. എഴുത്തിലുള്ള അദ്ദേഹത്തിന്റെ ജ്ഞാനം എനിക്ക് നേരിട്ടറിയാവുന്നതുമാണ്. മോഹന്‍ലാലിനെതിരെ പറഞ്ഞാല്‍ ഞാന്‍ പ്രതികരിച്ചിരിക്കും. മുന്‍പ് ഒരു മലയാളസിനിമയില്‍ അദ്ദേഹത്തെ മോശമായി ചിത്രീകരിച്ചതിന് ടെലിവിഷന്‍ ചാനലുകളില്‍ കയറി അക്കൂട്ടരെ വിമര്‍ശിക്കാന്‍ ചങ്കൂറ്റം കാണിച്ച വ്യക്തിയാണ് മേജര്‍ രവി. അന്ന് എവിടെയായിരുന്നു ഈ പറയുന്ന ബുദ്ധിജീവികള്‍ ? അന്നും അദ്ദേഹത്തെ ഒരുപാട് സ്‌നേഹിക്കുന്ന ആരാധകന്‍ എന്ന നിലയിലാണ് പ്രതികരിച്ചത്.-മേജര്‍ രവി പ്രതികരിച്ചു.
ആരാണീ ബെന്യാമീന്‍ ? മോഹന്‍ലാലിനെ തെറ്റിദ്ധരിപ്പിക്കുന്നത് മേജര്‍ രവിയാണെന്ന സാഹിത്യകാരന്‍ ബെന്യമിന്റെ വിമര്‍ശനത്തെപ്പറ്റി ചോദിച്ചപ്പോള്‍ മേജര്‍ രവിയുടെ മറുചോദ്യം ഇതായിരുന്നു.
മോഹന്‍ലാലിന്റെ അടുത്ത് ചെല്ലാനോ അദ്ദേഹവുമായി സൗഹൃദം സ്ഥാപിക്കാനോ കഴിയാത്ത ചില വ്യക്തികളുടെ അസൂയ പ്രകടനമാണ് ബെന്യാമിനെപ്പോലുള്ളവരുടെ വാക്കുകളിലൂടെ മനസ്സിലാക്കാന്‍ കഴിയുന്നത്. ഒരു സംവിധായകനെന്ന നിലയില്ല മറിച്ച് മോഹന്‍ലാല്‍ ആരാധകന്‍ എന്ന നിലയിലാണ് ഞാനിപ്പോള്‍ പ്രതികരിക്കുന്നത എന്നും മേജര്‍ രവി പറഞ്ഞു.
ഇത്തരം പരാമര്‍ശങ്ങളിലൂടെ ഞാനും ലാലും തമ്മിലുള്ള വ്യക്തിബന്ധം തകര്‍ക്കാമെന്ന് ആരും വ്യാമോഹിക്കേണ്ടെന്നും ഇവരെപ്പോലുള്ളവരുടെ മണ്ടത്തരങ്ങള്‍ കേട്ട് തെറ്റിദ്ധരിപ്പിക്കപ്പെടുന്ന നടനല്ല മോഹന്‍ലാല്‍എന്നും മേജര്‍ രവി പറഞ്ഞു.
മാധ്യമപ്രവര്‍ത്തകയായ സിന്ധു സൂര്യകുമാറിനെ പേരെടുത്ത് പറയാതെ മേജര്‍ രവി നടത്തിയ പരാമര്‍ശത്തോടുള്ള പ്രതികരണത്തില്‍ മോഹന്‍ലാലിനെ തെറ്റിദ്ധരിപ്പിക്കുന്നത് എന്നായിരുന്നു എഴുത്തുകാരന്‍ ബെന്യാമിന്റെ വാക്കുകള്‍. ജെഎന്‍യു വിഷയത്തില്‍ സൈനികരെ പിന്തുണച്ചും. ദേശവിരുദ്ധ പരിപാടി സംഘടിപ്പിച്ച വിദ്യാര്‍ത്ഥികളെ എതിര്‍ത്തും മോഹന്‍ലാല്‍ എഴുതിയ ബ്ലോഗാണ് ബെന്യാമിനെ ചൊടിപ്പിച്ചത്.
Discussion about this post