ബ്രിട്ടീഷ് യുദ്ധവിമാനത്തെ വിമാനത്താവളത്തിലെ ഹാങ്ങറിൽനിന്ന് ഇന്നു പുറത്തിറക്കും. തകരാർ പരിഹരിച്ച് തിരികെപ്പറക്കാൻ സജ്ജമായിരിക്കുകയാണ് വിമാനം. വിമാനം പുറത്തിറക്കി അന്തിമ പരിശോധനകൾ വിജയകരമായി പൂർത്തിയായാൽ ഇന്നു തന്നെ കൊണ്ടുപോകുന്നതും പരിഗണിക്കുന്നുണ്ട്. വിമാനത്തിന്റെ തകരാർ പരിഹരിക്കാൻ ഏതാനും ആഴ്ചകൾ മുൻപെത്തിയ 14 അംഗ വിദഗ്ധ സംഘത്തെ തിരികെക്കൊണ്ടുപോകാൻ ബ്രിട്ടനിൽ നിന്നുള്ള ഗ്ലോബ്മാസ്റ്റർ വിമാനം നാളെയെത്തുമെന്നാണു വിവരം.
തിരുവനന്തപുരം വിമാനത്താവളത്തിനു ഏകദേശം പത്തു ലക്ഷത്തോളം രൂപ കിട്ടും. റിപ്പോർട്ടുകൾ പ്രകാരം പ്രതിദിനം 26,261 രൂപയാണ് പാര്ക്കിങ് ഫീസ്. ജൂണ് 14നാണ് വിമാനം തിരുവനന്തപുരം വിമാനത്താവളത്തില് ഇറക്കിയത്. ജൂണ് 22ന് വിമാനം മടങ്ങുമെന്നാണ് റിപ്പോര്ട്ട്. അങ്ങനെയെങ്കില് 38 ദിവസത്തെ വാടകയാവും ഈടാക്കുക.
വാടക ഇനത്തിൽ 8 ലക്ഷത്തോളം രൂപ വിമാനത്താവളത്തിനും ഹാങർ സംവിധാനം നൽകിയതിന് എയർ ഇന്ത്യയ്ക്കും ലഭിക്കും. വിമാനത്താവളത്തില് യുദ്ധവിമാനം നിര്ത്തിയിട്ടതിന്റെ പാര്ക്കിങ് ഫീസ്, വിമാനമിറക്കിയതിന്റെ ലാന്ഡിങ് ചാര്ജ് എന്നിവ ചേര്ത്തുള്ള തുക വിമാനത്താവള നടത്തിപ്പുകാരായ അദാനി കമ്പനിക്കാണ് ബ്രിട്ടിഷ് അധികൃതര് നൽകേണ്ടത്
Discussion about this post