നിയമസഭയിൽ പ്രതിപക്ഷ എംഎൽഎയ്‌ക്കെതിരെ ‘ബോഡി ഷെമിംഗുമായി മുഖ്യമന്ത്രി പിണറായി വിജയൻ. എംഎൽഎയെ ഉയരത്തിന്റെ പേരിലാണ് മുഖ്യമന്ത്രി പരിഹസിച്ചത്. ശബരിമല സ്വർണപ്പാളി വിവാദത്തിൽ മറുപടി പ്രസംഗം നടത്തുന്നതിനിടെയാണ് മുഖ്യമന്ത്രിയുടെ കൈവിട്ടവാക്കുകൾ.
എന്റെ നാട്ടിലൊരു വർത്തമാനമുണ്ട്. എട്ടുമുക്കാൽ അട്ടിവെച്ചപോലെ എന്ന്. അത്രയും ഉയരംമാത്രമുള്ള ഒരാളാണ് ഇവിടെ വലിയതോതിൽ ആക്രമിക്കാൻ പുറപ്പെടുന്നത്. സ്വന്തം ശരീരശേഷി കൊണ്ടല്ല അത്. സ്വന്തം ശരീരശേഷി അതിനൊന്നും പറ്റുന്നതല്ലെന്ന് കാണുമ്പോൾ എല്ലാവർക്കും അറിയാം. പക്ഷേ, നിയമസഭയുടെ പരിരക്ഷവെച്ചുകൊണ്ട് വാച്ച് ആൻഡ് വാർഡിനെ ആക്രമിക്കാൻ പോവുകയാണ്. അതും വനിതാ വാച്ച് ആൻഡ് വാർഡിനെ അടക്കം”, മുഖ്യമന്ത്രി പറഞ്ഞു.
Discussion about this post