സർപ്രൈസുണ്ടേ… കേരളത്തിന്റെ മൂന്നാം വന്ദേഭാരത് റെഡി

ബംഗളൂരൂ – എറണാകുളം വന്ദേഭാരത് അടുത്തയാഴ്ച മുതലെന്ന് വിവരം. ബുധനാഴ്ച ഒഴിച്ച് മറ്റു ദിവസങ്ങളിൽ സർവീസുണ്ടാകുമെന്നാണ് വിവരം. നവംബർ രണ്ടാം വാരം മുതൽ സേവനമാരംഭിക്കുമെന്നാണ് വിവരം. പ്രധാനമന്ത്രി നരേന്ദ്രമോദി ഓൺലൈനായി ഉദ്ഘാടനം ചെയ്യാൻ സാധ്യതയുണ്ടെന്നും വിവരങ്ങളുണ്ട്.

രാവിലെ 5.10 ന് കെഎസ്ആർ ബെംഗളൂരുവിൽ നിന്ന് പുറപ്പെടുന്ന ട്രെയിൻ ഉച്ചയ്ക്ക് 1.50 ന് എറണാകുളത്ത് എത്തും. 2.20ന് പുറപ്പെട്ട് രാത്രി 11.00 ന് ബെംഗളൂരുവിൽ എത്തും. സ്റ്റോപ്പുകൾ : തൃശൂർ, പാലക്കാട്, കോയമ്പത്തൂർ, ഈറോഡ്, തിരുപ്പൂർ, സേലം കൃഷ്ണരാജപുരം.

മടക്കയാത്രയിൽ, ട്രെയിൻ നമ്പർ 22652 എറണാകുളം – കെഎസ്ആർ ബംഗളൂരു വന്ദേ ഭാരത് ഉച്ചയ്ക്ക് 2.20 ന് എറണാകുളത്ത് നിന്ന് പുറപ്പെട്ട് രാത്രി 11 ന് കെഎസ്ആർ ബംഗളൂരുവിൽ എത്തും.
ലക്ഷ്യസ്ഥാനങ്ങൾക്കിടയിൽ, ട്രെയിൻ ഉച്ചകഴിഞ്ഞ് 3.17 ന് തൃശൂരിൽ എത്തി 3.20 ന് പുറപ്പെടും, വൈകുന്നേരം 4.35 ന് പാലക്കാട് എത്തി 4.37 ന് പുറപ്പെടും, വൈകുന്നേരം 5.20 ന് കോയമ്പത്തൂരിൽ എത്തി 5.23 ന് പുറപ്പെടും, വൈകുന്നേരം 6.03 ന് തിരുപ്പൂരിൽ എത്തി 6.05 ന് പുറപ്പെടും, വൈകുന്നേരം 6.45 ന് ഈറോഡിൽ എത്തി 6.50 ന് പുറപ്പെടും, വൈകുന്നേരം 7.18 ന് സേലത്ത് എത്തി 7.20 ന് പുറപ്പെടും, രാത്രി 10.23 ന് കൃഷ്ണരാജപുരത്ത് എത്തി 10.25 ന് പുറപ്പെടും. രാത്രി 11 മണിക്ക് കെഎസ്ആർ ബംഗളൂരുവിൽ എത്തിച്ചേരും. ട്രെയിൻ ബംഗളൂരു യാർഡിൽ തന്നെ മെയ്ന്റനൻസ് നടത്തുമെന്നും പ്രസ്താവനയിൽ പറയുന്നു.