കൊച്ചി: തൊഴിലുടമ നല്‍കേണ്ട പ്രോവിഡന്റ് ഫണ്ട് വിഹിതം അടച്ചില്ലെന്ന കേസില്‍ അറസ്റ്റ് ഒഴിവാക്കാന്‍ റിപ്പോര്‍ട്ടര്‍ ചാനല്‍ എം.ഡി എം.വി. നികേഷ്‌കുമാര്‍ ഹരജി നല്‍കി. പി.എഫ് വിഹിതം അടച്ചില്ലെന്ന് ചൂണ്ടിക്കാട്ടിയുള്ള കേസില്‍ വാറന്റ് പുറപ്പെടുവിച്ച സാഹചര്യത്തിലാണ് അഴിക്കോട് മണ്ഡലത്തിലെ ഇടത് മുന്നണി സ്ഥാനാര്‍ത്ഥി കൂടിയായ നികേഷ് കുമാര്‍ ഹൈകോടതിയില്‍ ഹരജി നല്‍കിയത്.
10 ലക്ഷം രൂപ കുടിശ്ശികയിനത്തിലും അഞ്ച് ലക്ഷം രൂപ പലിശയിനത്തിലും അടക്കണമെന്ന് കാണിച്ച് റീജനല്‍ പ്രോവിഡന്റ് ഫണ്ട് കമീഷണര്‍ നോട്ടീസ് നല്‍കിയത്. എന്നാല്‍ പിഎഫ് പലിശ ഒഴിവാക്കി തരണണെന്ന് ആവശ്യപ്പെട്ട് നികേഷ് കുമാര്‍ കേന്ദ്രസര്‍ക്കാരിനെ സമീപിച്ചു. ഇപ്പോള്‍ പലിശ എഴുതിത്തള്ളാന്‍ കേന്ദ്ര സര്‍ക്കാറില്‍ നിന്ന് തീരുമാനം ഉണ്ടായിട്ടില്ലെന്നും തീരുമാം വരുന്നത് വരെ അറസ്റ്റ് തടയണമെന്നുമാണ് ഹരജിയിലെ ആവശ്യം. നടപടിയെടുക്കാതിരിക്കാന്‍ കാരണമുണ്ടെങ്കില്‍ അറിയിക്കാന്‍ പ്രോവിഡന്റ് ഫണ്ട് കമീഷണറുടെ കാരണം കാണിക്കല്‍ നോട്ടീസും ലഭിച്ചിട്ടുണ്ട്. ഇതും റദ്ദാക്കണമെന്നും ഹരജിയില്‍ പറയുന്നു.
വാറന്റുള്ള സാഹചര്യത്തില്‍ കളമശ്ശേരി എസ്. ഐയുടെ നേതൃത്വത്തില്‍ അറസ്റ്റ് ചെയ്യാന്‍ സാധ്യതയുണ്ടെന്നാണ് ഹരജിയില്‍ ചൂണ്ടിക്കാട്ടിയിട്ടുള്ളത്.നേരത്തെ നികുതി അടക്കാത്തതുമായി ബന്ധപ്പെട്ട് കേന്ദ്ര വാണിജ്യ നികുതി വകുപ്പ് നികേഷ് കുമാറിനെ അറസ്റ്റ് ചെയ്തിരുന്നു
ഓഹരി നല്‍കാതെ വഞ്ചിച്ചുവെന്ന പരാതിയിലെ എഫ്‌ഐആര്‍ റദ്ദാക്കാന്‍ കഴിഞ്ഞ ദിവസം ഹൈക്കോടതി ഉത്തരവിട്ത് നികേഷ് കുമാറിന് ആശ്വാസമായിരുന്നു. ഇതിനിടയിലാണ് പിഎഫുമായി ബന്ധപ്പെട്ട അറസ്റ്റു വാറണ്ട് ഭീഷണി
Discussion about this post