ടി20 ലോകകപ്പിൽ ഇന്ത്യയ്ക്കെതിരെ കളിക്കണമെങ്കിൽ ചില നിബന്ധനകൾ അംഗീകരിക്കണമെന്ന് പാകിസ്ഥാൻ ഐസിസിയോട് ആവശ്യപ്പെട്ടിരുന്നു. എന്നാൽ ക്രിക്കറ്റ് ബോർഡുകൾ തമ്മിലുള്ള ഉഭയകക്ഷി കാര്യങ്ങളിൽ ഇടപെടാൻ തങ്ങൾക്ക് അധികാരമില്ലെന്ന് വ്യക്തമാക്കിയാണ് ഐസിസി ഈ ആവശ്യങ്ങൾ തള്ളിയത്.
ആദ്യം ഇന്ത്യയും പാകിസ്ഥാനും തമ്മിൽ ദ്വിരാഷ്ട്ര പരമ്പരകൾ കളിക്കാൻ ബിസിസിഐയോട് ഐസിസി ആവശ്യപ്പെടണമെന്ന് പിസിബി ഡിമാൻഡ് ചെയ്തു. എന്നാൽ ഇത് രണ്ട് രാജ്യങ്ങളിലെയും ബോർഡുകൾ തമ്മിൽ തീരുമാനിക്കേണ്ട കാര്യമാണെന്നും തങ്ങളുടെ പരിധിയിൽ വരുന്നതല്ലെന്നും ഐസിസി മറുപടി നൽകി.
രണ്ടാമതായി ഇന്ത്യ, പാകിസ്ഥാൻ, ബംഗ്ലാദേശ് എന്നീ രാജ്യങ്ങളെ ഉൾപ്പെടുത്തി ഒരു ത്രിരാഷ്ട്ര പരമ്പര സംഘടിപ്പിക്കണമെന്ന ആവശ്യവും ഐസിസി നിരസിച്ചു. ടൂർണമെന്റുകൾ സംഘടിപ്പിക്കുന്നത് ഐസിസിയുടെ പണിയല്ലെന്ന് അവർ വ്യക്തമാക്കി.
മൂന്നാമതായി ഇന്ത്യൻ ടീം ഈ വർഷം തന്നെ ബംഗ്ലാദേശ് പര്യടനം നടത്തുന്നുണ്ടെന്ന് ഐസിസി ഉറപ്പുവരുത്തണമെന്ന വിചിത്രമായ ആവശ്യവും പാകിസ്ഥാൻ മുന്നോട്ടുവെച്ചു. എന്നാൽ ഇന്ത്യ എവിടെ പര്യടനം നടത്തണം എന്ന് തീരുമാനിക്കാൻ ഐസിസിക്ക് അധികാരമില്ലെന്ന് പറഞ്ഞ് ഈ ആവശ്യവും തള്ളി.
Discussion about this post