ബിഗ് ബാഷ് ലീഗിന്റെ 15-ാം സീസൺ അവസാനിച്ചതോടെ, വരാനിരിക്കുന്ന 16-ാം സീസണായുള്ള തയ്യാറെടുപ്പുകൾ ടീമുകൾ ആരംഭിച്ചു കഴിഞ്ഞു. കഴിഞ്ഞ സീസണിൽ അവസാന സ്ഥാനത്ത് ഫിനിഷ് ചെയ്ത സിഡ്നി തണ്ടർ, അടുത്ത സീസണിന് മുന്നോടിയായി വലിയ പദ്ധതികളാണ് ആസൂത്രണം ചെയ്യുന്നത്.
അടുത്ത ബിഗ് ബാഷ് സീസണിന് മുന്നോടിയായി നേപ്പാൾ ദേശീയ ക്രിക്കറ്റ് ടീമുമായി പരിശീലന മത്സരങ്ങൾ കളിക്കാൻ സിഡ്നി തണ്ടർ ചർച്ചകൾ ആരംഭിച്ചു. സിഡ്നി തണ്ടർ ജനറൽ മാനേജർ ട്രെന്റ് കോപ്ലാൻഡ് ആണ് ഈ വിവരം പുറത്തുവിട്ടത്. വെസ്റ്റേൺ സിഡ്നിയിൽ വലിയൊരു നേപ്പാളി സമൂഹം വസിക്കുന്നുണ്ട്. അവരെ ടീമുമായി കൂടുതൽ അടുപ്പിക്കുക എന്ന ലക്ഷ്യത്തോടെയാണ് നേപ്പാൾ ടീമിനെ ഓസ്ട്രേലിയയിലേക്ക് ക്ഷണിക്കുന്നത്. ടൂർണമെന്റ് തുടങ്ങുന്നതിന് തൊട്ടുമുമ്പുള്ള വിൻഡോയിൽ ഈ പരിശീലന മത്സരങ്ങൾ നടത്താനാണ് ആലോചന.
“ദക്ഷിണേഷ്യൻ സമൂഹത്തെയും പ്രത്യേകിച്ച് നേപ്പാളി സമൂഹത്തെയും ഞങ്ങളോടൊപ്പം ചേർത്തുനിർത്താനാണ് ഞങ്ങൾ ആഗ്രഹിക്കുന്നത്. ഇത് വെറുമൊരു ആശയമല്ല, ഞങ്ങളുടെ ടീമിന്റെ അടിത്തറയുമായി ചേരുന്ന ഒന്നാണ്,” – ട്രെന്റ് കോപ്ലാൻഡ് വ്യക്തമാക്കി. 16-ാം സീസണിന് മുന്നോടിയായി സിഡ്നി തണ്ടർ ഇതിനോടകം 10 താരങ്ങളെ ടീമിൽ നിലനിർത്തിയിട്ടുണ്ട്.
അവസാന സ്ഥാനക്കാരായി പോരാട്ടം അവസാനിപ്പിച്ച ടീം വലിയ മാറ്റങ്ങളാണ് പുതിയ സീസണിൽ പ്രതീക്ഷിക്കുന്നത്
Discussion about this post