കൊളംബോയിൽ നടന്ന ഇന്ത്യ-പാകിസ്ഥാൻ ആവേശപ്പോരാട്ടത്തിൽ സ്കോർബോർഡിനപ്പുറം ആരാധകരുടെ മനസ്സ് കീഴടക്കിയത് ഹാർദിക് പാണ്ഡ്യയുടെ ആ ‘മാസ്സ്’ ലുക്കാണ്. മത്സരത്തിൽ ഇന്ത്യ 61 റൺസിന്റെ ഉജ്ജ്വല വിജയം നേടിയെങ്കിലും, സോഷ്യൽ മീഡിയയിൽ ഇന്നും തരംഗമാകുന്നത് ഹാർദിക് പാണ്ഡ്യ പാക് താരം സാഹിബ്സാദ ഫർഹാന് നൽകിയ ആ ‘സ്റ്റെയർ’ (Stare) ആണ്.
മത്സരത്തിന്റെ ആദ്യ ഓവറിൽ തന്നെ പാകിസ്ഥാന്റെ പതനം തുടങ്ങിയത് ഹാർദിക് പാണ്ഡ്യയുടെ പന്തിലായിരുന്നു. സാഹിബ്സാദ ഫർഹാനെ പുറത്താക്കിയ ശേഷം ഹാർദിക് നടത്തിയ വേറിട്ട ആഘോഷമാണ് ഇപ്പോൾ ചർച്ചാവിഷയം. ഹാർദിക്കിന്റെ വേഗതയേറിയ പന്തിൽ ഷോട്ടിന് ശ്രമിച്ച ഫർഹാൻ ടോപ്പ് എഡ്ജ് നൽകി പുറത്താവുകയായിരുന്നു.
സാധാരണ വിക്കറ്റ് വീഴുമ്പോൾ ബൗളർമാർ ഫീൽഡറുടെ അടുത്തേക്ക് ഓടുകയോ ആവേശം പ്രകടിപ്പിക്കുകയോ ആണ് പതിവ്. എന്നാൽ ഹാർദിക് പന്ത് ആകാശത്തേക്ക് ഉയർന്നത് കണ്ടിട്ടും തന്റെ സ്ഥാനത്ത് നിന്ന് ഒരടി പോലും മാറിയില്ല. പകരം, പുറത്തായ നിരാശയിൽ നിൽക്കുന്ന ഫർഹാനെ തുറിച്ച് നോക്കി നിൽക്കുകയായിരുന്നു ഹാർദിക്.
ഹാർദിക്കിന്റെ ഈ നിശബ്ദമായ അഗ്രഷനെ ആരാധകർ സോഷ്യൽ മീഡിയയിൽ ‘ഓറ ഫാമിംഗ്’ എന്നാണ് വിശേഷിപ്പിക്കുന്നത്. അമിതമായ ആഹ്ലാദ പ്രകടനങ്ങളില്ലാതെ, വെറും നോട്ടം കൊണ്ട് എതിരാളിയെ മാനസികമായി തളർത്തുന്ന ഈ രീതി ഹാർദിക്കിന്റെ ആത്മവിശ്വാസത്തിന്റെ അടയാളമായാണ് വിലയിരുത്തപ്പെടുന്നത്.
ഒരു വിക്കറ്റ് എന്നതിലുപരി, പാകിസ്ഥാനെതിരായ പോരാട്ടത്തിൽ ഇന്ത്യ പുലർത്തുന്ന മാനസികാധിപത്യം വെളിപ്പെടുത്തുന്നതായിരുന്നു ആ ദൃശ്യം. മൈതാനത്ത് നെഞ്ചുവിരിച്ചു നിന്ന് ഫർഹാന്റെ കണ്ണുകളിലേക്ക് നോക്കി ഹാർദിക് നൽകിയ ആ സന്ദേശം പാക് നിരയെ മുഴുവൻ സമ്മർദ്ദത്തിലാക്കി.
https://twitter.com/i/status/2023213073948131701
Discussion about this post