മുംബൈ : 2008 ലെ 26/11 മുംബൈ ഭീകരാക്രമണത്തിൽ കൊല്ലപ്പെട്ടവർക്ക് ഫ്രഞ്ച് പ്രസിഡന്റ് മാക്രോൺ ആദരാഞ്ജലി അർപ്പിച്ചു. മുംബൈയിലെ താജ് പാലസിൽ ഇമ്മാനുവൽ മാക്രോണും പ്രഥമ വനിത ബ്രിജിറ്റ് മാക്രോണും ചൊവ്വാഴ്ച ഭീകരാക്രമണത്തിന്റെ ഇരകൾക്ക് ആദരാഞ്ജലികൾ അർപ്പിച്ചു. ആക്രമണങ്ങളിൽ ജീവൻ നഷ്ടപ്പെട്ടവർക്കായി സമർപ്പിച്ചിരിക്കുന്ന സ്മാരകത്തിൽ മാക്രോൺ പുഷ്പാർച്ചന നടത്തി.
ചൊവ്വാഴ്ച പുലർച്ചെ മുംബൈയിലെത്തിയ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ, കോസ്റ്റൽ റോഡിനടുത്തുള്ള പ്രശസ്തമായ മറൈൻ ഡ്രൈവിൽ ജോഗിംഗ് നടത്തിയാണ് തന്റെ ദിവസം ആരംഭിച്ചത്. ഫെബ്രുവരി 17 മുതൽ 19 വരെ അദ്ദേഹം ഇന്ത്യയിൽ ഉണ്ടായിരിക്കുന്നതാണ്. നാലാം തവണയാണ് ഫ്രഞ്ച് പ്രസിഡണ്ട് ഇന്ത്യയിൽ എത്തുന്നത്. എന്നാൽ മുംബൈയിൽ അദ്ദേഹം ആദ്യമായാണ് സന്ദർശനം നടത്തുന്നത്. ദക്ഷിണ മുംബൈയിലെ ലോക് ഭവനിൽ പ്രധാനമന്ത്രി നരേന്ദ്ര മോദിയുമായി ഫ്രഞ്ച് പ്രസിഡന്റ് കൂടിക്കാഴ്ച നടത്തി.
പ്രസിഡന്റ് മാക്രോണും പ്രധാനമന്ത്രി മോദിയും ഒരുമിച്ച് ഇന്ത്യ-ഫ്രാൻസ് ഇന്നൊവേഷൻ വർഷം 2026 ഉദ്ഘാടനം ചെയ്തു . നവീകരണം, ഗവേഷണം, സ്റ്റാർട്ടപ്പുകൾ, ജനങ്ങൾ തമ്മിലുള്ള വിനിമയം എന്നിവയിലെ സഹകരണം കൂടുതൽ ആഴത്തിലാക്കാൻ ഉദ്ദേശിച്ചുള്ള ഒരു സംരംഭമാണിത്.ഇരു രാജ്യങ്ങളിലെയും ബിസിനസ്സ് നേതാക്കൾ, സ്റ്റാർട്ടപ്പ് സ്ഥാപകർ, ഗവേഷകർ, നൂതനാശയക്കാർ എന്നിവരുടെ സമ്മേളനത്തെയും നേതാക്കൾ അഭിസംബോധന ചെയ്തു.
Discussion about this post