ന്യൂഡൽഹി : കൂടുതൽ ഇന്ത്യൻ വിദ്യാർത്ഥികളെ ഫ്രാൻസിലേക്ക് സ്വാഗതം ചെയ്യുന്നതായി ഫ്രഞ്ച് പ്രസിഡണ്ട് ഇമ്മാനുവൽ മാക്രോൺ. ഇന്ത്യൻ വിദ്യാർത്ഥികളെ ഫ്രാൻസിലേക്ക് ആകർഷിക്കുന്നതിനായി വിപുലമായ പരിഷ്കാരങ്ങൾ അദ്ദേഹം പ്രഖ്യാപിച്ചു.
ന്യൂഡൽഹിയിൽ നടന്ന ഇന്തോ-ഫ്രഞ്ച് അക്കാദമിക്, ശാസ്ത്ര സഹകരണത്തെക്കുറിച്ചുള്ള ഉന്നതതല ചർച്ചകളിൽ വെച്ചായിരുന്നു ഫ്രഞ്ച് പ്രസിഡന്റിന്റെ ഈ പ്രഖ്യാപനം. ഇന്ത്യൻ വിദ്യാർഥികൾക്കായി കൂടുതൽ വിസ ഇളവുകളും ഇംഗ്ലീഷ് കോഴ്സുകളും നടപ്പിലാക്കുമെന്ന് അദ്ദേഹം വ്യക്തമാക്കി.
2030 ആകുമ്പോഴേക്കും ഇന്ത്യൻ വിദ്യാർത്ഥികളുടെ എണ്ണം നിലവിലെ 10,000 ൽ നിന്ന് 30,000 ആയി മൂന്നിരട്ടിയാക്കി ഉയർത്താൻ ശ്രമിക്കുമെന്നും അദ്ദേഹം അറിയിച്ചു. ഫ്രാൻസിലെ സർവ്വകലാശാലകളിൽ ഇന്ത്യൻ വിദ്യാർഥികളെ ആകർഷിക്കുന്നതിനായി വൈവിധ്യമാർന്ന ഇംഗ്ലീഷ് ഭാഷാ കോഴ്‌സുകൾ നടപ്പിലാക്കുമെന്നും മാക്രോൺ പ്രഖ്യാപിച്ചു.
ഡൽഹിയിൽ നടന്നുകൊണ്ടിരിക്കുന്ന ഇന്ത്യ AI ഇംപാക്ട് ഉച്ചകോടിയെ ഇമ്മാനുവൽ മാക്രോൺ പ്രശംസിച്ചു. ഈ പ്ലാറ്റ്‌ഫോം, മനുഷ്യരാശിയുടെ നവീകരണത്തിനും വലിയ നന്മയ്ക്കുമുള്ള സേവനം നൽകുന്നുവെന്ന് അദ്ദേഹം അഭിപ്രായപ്പെട്ടു.
