ന്യൂഡൽഹി : എഐ ഇംപാക്റ്റ് ഉച്ചകോടിക്കിടെ നടന്ന പ്രതിഷേധങ്ങളുമായി ബന്ധപ്പെട്ട് ഇന്ത്യൻ യൂത്ത് കോൺഗ്രസ് പ്രസിഡന്റ് ഉദയ് ഭാനു ചിബിനെ ഡൽഹി പോലീസ് അറസ്റ്റ് ചെയ്തു. ഈ കേസിൽ ഇതുവരെയുള്ള എട്ടാമത്തെ അറസ്റ്റാണിത്. പ്രതിഷേധ ദിവസം നാല് യൂത്ത് കോൺഗ്രസ് പ്രവർത്തകരെയും തിങ്കളാഴ്ച മറ്റ് മൂന്ന് പ്രതികളെയും അറസ്റ്റ് ചെയ്തിരുന്നു.
തിങ്കളാഴ്ച ഉദയ് ഭാനു ചിബിനെ ചോദ്യം ചെയ്യലിനായി ഡൽഹി പോലീസ് വിളിപ്പിച്ചിരുന്നു. തുടർന്ന് ഗൂഢാലോചന കുറ്റം ചുമത്തിയാണ് അറസ്റ്റ് ചെയ്തിട്ടുള്ളത്. അറസ്റ്റിനുശേഷം, ഉദയ് ഭാനു ചിബിനെ പട്യാല ഹൗസ് കോടതിയിൽ ഹാജരാക്കി. ഫെബ്രുവരി 22 ന് പ്രതിയും യൂത്ത് കോൺഗ്രസ് നേതാവുമായ കൃഷ്ണ ഹരിയുടെ കാറിൽ നിന്ന് ഡൽഹി പോലീസ് പ്രതിഷേധത്തിന് ഉപയോഗിച്ച ടീ-ഷർട്ടുകൾ കണ്ടെടുത്തിരുന്നു. പ്രധാനമന്ത്രി മോദിയുടെയും യുഎസ് പ്രസിഡന്റ് ഡൊണാൾഡ് ട്രംപിന്റെയും ഫോട്ടോകളാണ് ടീ-ഷർട്ടുകളിൽ ഉണ്ടായിരുന്നത്.
