എറണാകുളം : കൊച്ചി സീറ്റിനായി കോൺഗ്രസിൽ പോര് മുറുകുന്നു. കൊച്ചിയിൽ സ്ഥാനാർത്ഥി നിർണയത്തിന് മുൻപേ തന്നെ കൊച്ചിയിൽ പോസ്റ്റർ പ്രിന്റ് ചെയ്തു തുടങ്ങി ദീപ്തി മേരി വർഗീസ് ക്യാമ്പ്. സർവ്വം ദീപ്തം എന്ന ടാഗ് ലൈനോട് ആയിരുന്നു പോസ്റ്റർ തയ്യാറാക്കിയത്. കൊച്ചി നഗരത്തിലെ സ്വകാര്യ പ്രസ്സിൽ അച്ചടിച്ച പോസ്റ്ററുകളുടെ ദൃശ്യങ്ങൾ പുറത്തുവന്നു.
കൊച്ചിയിൽ ഡിസിസി പ്രസിഡൻ്റ് മുഹമ്മദ് ഷിയാസിനെ മത്സരിപ്പിക്കണമെന്നാണ് വി ഡി സതീശനും സംഘവും ആഗ്രഹിക്കുന്നത്. യൂത്ത് കോൺഗ്രസും കൊച്ചി സീറ്റിൽ മുഹമ്മദ് ഷിയാസിനായി പരസ്യമായി രംഗത്തെത്തി. എന്നാൽ ദീപ്തി മേരി വർഗീസിനെ കൊച്ചിയിൽ പരിഗണിക്കണമെന്നാണ് കെ സി വേണുഗോപാലിൻ്റെ നിലപാട്.
എറണാകുളം ജില്ലയിലെ തൃപ്പൂണിത്തുറ, വൈപ്പിൻ, പെരുമ്പാവൂർ സീറ്റുകളെ സംബന്ധിച്ചും കോൺഗ്രസിൽ തർക്കം തുടരുകയാണ്.
