നിയമസഭാ തെരഞ്ഞെടുപ്പിൽ എംപിമാർ മത്സരിക്കേണ്ടതില്ലെന്ന ഹൈക്കമാൻഡ് തീരുമാനത്തിന് പിന്നാലെ കോൺഗ്രസ് നേതൃത്വവുമായി കെ. സുധാകരൻ പൂർണ്ണമായും തെറ്റി. എഐസിസി ജനറൽ സെക്രട്ടറി കെ.സി. വേണുഗോപാലിനെയടക്കം പ്രമുഖരെ ഫോണിൽ വിളിച്ച് “നിങ്ങൾ നിങ്ങളുടെ വഴിക്ക് നടക്ക്, ഞാൻ എന്റെ വഴിക്ക് നടക്കാം” എന്ന് സുധാകരൻ പറഞ്ഞതായിട്ടാണ് റിപ്പോർട്ടുകൾ വരുന്നത്.
സ്വന്തമായി ഒരു പാർട്ടി രൂപീകരിക്കാൻ കെസുധാകരൻ ആലോചിക്കുന്നതായി വാർത്തകളുണ്ട്. ഇലെക്ഷൻ പടിവാതിൽക്കൽ നിൽക്കെ ഒരു പാർട്ടി രൂപീകരിക്കാൻ സമയം ഇല്ലാത്തതിനാൽ അദ്ദേഹം സ്വതന്ത്രനായി ഈ തിരഞ്ഞെടുപ്പിൽ മത്സരിച്ചേക്കുമെന്ന് സൂചനയുണ്ട്. ഇന്ന് ഉച്ചയ്ക്ക് 12 മണിക്ക് നടത്തുന്ന വാർത്താ സമ്മേളനത്തിൽ തന്റെ രാഷ്ട്രീയ നിലപാട് അദ്ദേഹം വ്യക്തമാക്കും.
സുഥാകാരനെ എൻഡിഎ മുന്നണിയിലെത്തിക്കാൻ ബിജെപി ദേശീയ-സംസ്ഥാന നേതൃത്വങ്ങൾ നീക്കം തുടങ്ങിയിട്ടുണ്ട്. ബിജെപി സുധാകരന്റെ നീക്കം നിരീക്ഷിച്ച് വരികയാണ്. അതേസമയം സുധാകരനെ സ്ഥാനാർത്ഥി പട്ടികയിൽ ഉൾപ്പെടുത്താത്തതിനെത്തുടർന്ന് കണ്ണൂരിൽ അദ്ദേഹത്തിന്റെ അനുകൂലികൾ പ്രതിഷേധം ശക്തമാക്കാനുള്ള സാധ്യതകൾ കൂടുതലാണ്. തനിക്ക് വേണ്ടി തെരുവിലിറങ്ങാൻ അദ്ദേഹം അണികളോട് ആവശ്യപ്പെട്ടതായിട്ടും വാർത്തകളുണ്ട്.
