തുടർച്ചയായ മൂന്ന് തോൽവികൾക്ക് ശേഷം തകർപ്പൻ സെഞ്ച്വറിയുമായി തിരിച്ചുവന്ന സഞ്ജു സാംസൺ തന്റെ വിജയത്തിന് പിന്നിലെ ടീം അന്തരീക്ഷത്തെക്കുറിച്ച് വാചാലനായി. മത്സരശേഷം സംസാരിക്കവെയാണ് ചെന്നൈ സൂപ്പർ കിംഗ്സ് എന്ന ഫ്രാഞ്ചൈസിയുടെ പ്രത്യേകത സഞ്ജു വ്യക്തമാക്കിയത്.
സഞ്ജു സാംസൺ പറഞ്ഞത് “തുടർച്ചയായി മൂന്ന് മത്സരങ്ങൾ തോറ്റതിന് ശേഷവും ഇന്ന് വെറും 50 സെക്കൻഡ് മാത്രമാണ് ഞങ്ങളുടെ ടീം മീറ്റിംഗ് നീണ്ടുനിന്നത്. ഈ ഫ്രാഞ്ചൈസി കളിക്കാരെ എങ്ങനെയാണ് കാണുന്നതെന്നും അവർക്ക് നൽകുന്ന പിന്തുണ എത്രത്തോളമാണെന്നും ഇതിൽ നിന്ന് മനസ്സിലാക്കാം. എന്റെ വ്യക്തിത്വവുമായി ഇത് വളരെയധികം ചേർന്നുനിൽക്കുന്നു. അതുകൊണ്ട് തന്നെ ഇവിടെ ആയിരിക്കുന്നതിൽ ഞാൻ ഒത്തിരി സന്തോഷവാനാണ്.”
56 പന്തിൽ 115 റൺസ് നേടിയ സഞ്ജു മികവിലേക്ക് വന്ന മത്സരത്തിൽ ആദ്യം ബാറ്റുചെയ്ത ചെന്നൈ 212 -2 റൺസ് നേടി. ഡൽഹിയുടെ മറുപടി 189 റൺസിൽ ഒതുങ്ങി. 15 ഫോറുകളും 4 സിക്സറുകളും അടങ്ങുന്നതായിരുന്നു ആ ഇന്നിംഗ്സ്. സഞ്ജുവിന്റെ ഐപിഎൽ കരിയറിലെ നാലാം സെഞ്ച്വറിയാണിത്. ഇതോടെ ഐപിഎല്ലിൽ ഏറ്റവും കൂടുതൽ സെഞ്ച്വറി നേടിയ ഇന്ത്യൻ താരങ്ങളിൽ ശുഭ്മാൻ ഗില്ലിനൊപ്പം സഞ്ജു നാലാം സ്ഥാനത്തെത്തി.
ഐപിഎൽ 2026 സീസണിലെ ആദ്യ സെഞ്ച്വറി എന്ന ബഹുമതിയും സഞ്ജുവിന് സ്വന്തം. സഞ്ജു സാംസണിന്റെ കരിയറിലെ ഒരു അപൂർവ്വ പ്രത്യേകത അദ്ദേഹം കളിച്ച മൂന്ന് വ്യത്യസ്ത ടീമുകൾക്കായും മികച്ച പ്രകടനങ്ങൾ കാഴ്ചവെച്ചിട്ടുണ്ട് എന്നതാണ്. സഞ്ജുവിന്റെ ആദ്യ ഐപിഎൽ സെഞ്ച്വറി ഡൽഹിക്ക് വേണ്ടിയായിരുന്നു (2017-ൽ റൈസിംഗ് പൂനെ സൂപ്പർജയന്റിനെതിരെ).
