ഐപിഎൽ ചരിത്രത്തിലെ ഏറ്റവും മികച്ച താരങ്ങളിൽ ഒരാളായ സഞ്ജു സാംസൺ ലീഗിൽ 5000 റൺസ് നേടുന്നു എന്ന അപൂർവ്വ നേട്ടം സ്വന്തമാക്കി. ഗുജറാത്ത് ടൈറ്റൻസിനെതിരായ മത്സരത്തിലാണ് സഞ്ജു ഈ ചരിത്ര നാഴികക്കല്ല് പിന്നിട്ടത്. ഇതോടെ ഐപിഎല്ലിൽ 5000 റൺസ് തികയ്ക്കുന്ന ചുരുക്കം ചില ഇന്ത്യൻ താരങ്ങളിൽ ഒരാളായി ചെന്നായ് താരം മാറി.
ഐപിഎൽ ചരിത്രത്തിലെ ഏറ്റവും വിശ്വസ്തരായ ബാറ്റർമാരിൽ ഒരാളാണെന്ന് തെളിയിക്കുന്നതാണ് സഞ്ജുവിന്റെ ഈ 5000 റൺസ് നേട്ടം. റെക്കോർഡ് നേട്ടം സ്വന്തമാക്കിയെങ്കിലും വ്യക്തിഗത സ്കോറിൽ സഞ്ജുവിന് തിളങ്ങാനായില്ല. 15 പന്തുകളിൽ നിന്ന് വെറും 11 റൺസ് മാത്രമെടുത്ത് സഞ്ജു പുറത്താവുകയായിരുന്നു. റബാഡയുടെ പന്തിൽ വിക്കറ്റ് കീപ്പർ ജോസ് ബട്ലർ ക്യാച്ച് എടുത്താണ് സഞ്ജുവിനെ മടക്കിയത്. കഴിഞ്ഞ മത്സരത്തിൽ സെഞ്ച്വറി നേടിയ സഞ്ജു മികച്ച ഫോമിലാണ് ഇന്ന് മത്സരത്തിലേക്ക് വന്നത്.
എന്തായാലൂം എം.എസ്. ധോണി പരിക്കിൽ നിന്ന് മുക്തനായിട്ടും ടീം കോമ്പിനേഷൻ കരുതി മാറിനിൽക്കുമ്പോൾ, സഞ്ജുവിനെപ്പോലൊരു മലയാളി താരം വിക്കറ്റ് കീപ്പിംഗിലും ബാറ്റിംഗിലും റെക്കോർഡുകൾ വാരിക്കൂട്ടുന്നത് വലിയ ആവേശമാണ് ആരാധകർക്ക് നൽകുന്നത്.
