മലയാള സിനിമയിലെ എക്കാലത്തെയും വലിയ മൾട്ടി-സ്റ്റാർ ചിത്രമെന്ന ലേബലോടെയാണ് ‘പേട്രിയറ്റ്’ വിഷുവിന് തിയേറ്ററുകളിൽ എത്തിയത്. മമ്മൂട്ടി, മോഹൻലാൽ, ഫഹദ് ഫാസിൽ, കുഞ്ചാക്കോ ബോബൻ തുടങ്ങി മലയാളികളുടെ പ്രിയപ്പെട്ട താരങ്ങളെല്ലാം ഒരേ സ്ക്രീനിൽ വരുമ്പോൾ പ്രേക്ഷകരുടെ പ്രതീക്ഷകൾ വാനോളമായിരുന്നു. എന്നാൽ, വിഷു ദിനത്തിലെ ഒരു അഭിമുഖത്തിൽ മോഹൻലാൽ ചിരിച്ചുകൊണ്ട് പറഞ്ഞ “ഒരു പ്രതീക്ഷയുമില്ല മോനെ…” എന്ന ഡയലോഗ് ഇപ്പോൾ തിയേറ്ററുകളിൽ അക്ഷരാർത്ഥത്തിൽ സത്യമായിരിക്കുകയാണ്!
സിനിമ കണ്ടിറങ്ങുന്ന പ്രേക്ഷകർ ഒന്നടങ്കം പറയുന്നത് ലാലേട്ടൻ അന്ന് കാര്യമായിട്ട് തന്നെ പറഞ്ഞതാണെന്നാണ്. ഇത്രയധികം സൂപ്പർ താരങ്ങൾ ഉണ്ടായിട്ടും അത് വേണ്ട രീതിയിൽ ഉപയോഗിക്കാൻ പറ്റിയില്ല എന്ന അഭിപ്രായം കൂടുതൽ പ്രേക്ഷകർ പറയുന്നു. മമ്മൂട്ടിയും മോഹൻലാലും ഒന്നിച്ച് ചേരുമ്പോൾ കിട്ടും എന്ന് കരുതിയ ഒരു കിക്ക് കിട്ടിയില്ല എന്ന അഭിപ്രായവും ശക്തമാണ്.
ക്യാമറ വർക്കുകളും ബിജിഎമ്മും ഹോളിവുഡ് ലെവലിൽ ഉണ്ടെങ്കിലും, സിനിമയ്ക്ക് ഒരു ‘സോൾ’ (Soul) ഇല്ലാതെ പോയി. ഇത്രയും വലിയ താരങ്ങളെ വെച്ച് ഒരു സിനിമയെടുക്കുമ്പോൾ വേണ്ട വ്യക്തമായ ഹോംവർക്ക് സംവിധായകന്റെ ഭാഗത്ത് നിന്നുണ്ടായില്ല. വി.എഫ്.എക്സ് (VFX) രംഗങ്ങളും മികച്ചത് ആയിരുന്നു.
ഇപ്പോൾ സോഷ്യൽ മീഡിയ മുഴുവൻ ആഘോഷിക്കുന്നത് മോഹൻലാലിന്റെ ആ ഇന്റർവ്യൂ ക്ലിപ്പാണ്. തിരക്കഥ കേട്ടപ്പോൾ തന്നെ സിനിമയുടെ വിധി എന്താകുമെന്ന് ലാലേട്ടന് കൃത്യമായി അറിയാമായിരുന്നു എന്ന് വേണം കരുതാൻ. താരങ്ങളെ മാത്രം വിശ്വസിച്ച് തിയേറ്ററിൽ പോയ പ്രേക്ഷകർക്കും ഇപ്പോൾ ലാലേട്ടന്റെ അതേ അവസ്ഥയാണ്—”ഒരു പ്രതീക്ഷയുമില്ല മോനെ!”
എത്ര വലിയ താരനിര ഒന്നിച്ചാലും ശക്തമായ ഒരു കഥയും തിരക്കഥയും ഇല്ലെങ്കിൽ സിനിമ പരാജയപ്പെടുമെന്നതിന്റെ ഏറ്റവും പുതിയ ഉദാഹരണമാണ് ‘പാട്രിയറ്റ്’. താരങ്ങളെ ഒരുമിച്ച് ഒരു ഫ്രെയിമിൽ കാണാൻ ആഗ്രഹിക്കുന്നവർക്ക് മാത്രം ടിക്കറ്റെടുക്കാം. അല്ലാത്തവർക്ക് ആ വൈറൽ ഡയലോഗ് മനസ്സിൽ വെച്ച് ഈ സിനിമയെ സമീപിക്കുന്നതാണ് നല്ലത്!
