പശ്ചിമ ബംഗാൾ തിരഞ്ഞെടുപ്പിൽ ബിജെപിയുടെ ചരിത്രപരമായ വമ്പൻ വിജയത്തോടൊപ്പം ഇപ്പോൾ ബംഗാളിൽ ഇപ്പോൾ ഝൽമുരിയും തരംഗമായിരിക്കുകയാണ്. ബിജെപി വമ്പൻ വിജയം നേടിയ മിക്ക മണ്ഡലങ്ങളിലും പ്രവർത്തകർ ഝൽമുരി വിതരണം ചെയ്താണ് ആഘോഷങ്ങൾ നടത്തിയത്. പ്രധാനമന്ത്രി നരേന്ദ്രമോദി ബംഗാളി തിരഞ്ഞെടുപ്പ് പ്രചാരണത്തിന് എത്തിയപ്പോൾ തെരുവിലെ ഒരു കടയിൽ നിന്നും ഝൽമുരി വാങ്ങി കഴിച്ചിരുന്നത് രാജ്യം മുഴുവൻ വലിയ ശ്രദ്ധ നേടിയിരുന്നു. ഇപ്പോൾ ബിജെപിയുടെ വിജയാഘോഷത്തിലും ഝൽമുരി താരമായി മാറിയിരിക്കുകയാണ്.
ഡൽഹി മുഖ്യമന്ത്രി രേഖ ഗുപ്ത ഓഫീസിൽ ഝൽമുരി വിതരണം ചെയ്തു കൊണ്ടാണ് ബംഗാളിലെ ബിജെപിയുടെ വിജയം ആഘോഷിച്ചത്. ഡൽഹി സെക്രട്ടറിയേറ്റിലും ഝൽമുരി വിതരണം നടന്നു. അസമിലെ ഹാട്രിക് വിജയത്തിന് ശേഷം ബംഗാളിലും ബിജെപി സർക്കാർ രൂപീകരിച്ചത് മഹത്തായ വിജയമാണെന്നും അഭിനന്ദനങ്ങൾ അറിയിക്കുന്നതായും രേഖ ഗുപ്ത വ്യക്തമാക്കി. നേരത്തെ ബംഗാളിൽ ഖരഗ്പൂർ, ദുർഗാപൂർ എന്നിവയുൾപ്പെടെ നിരവധി മേഖലകളിൽ ബിജെപി സ്ഥാനാർത്ഥികൾക്കായി രേഖ ഗുപ്ത പ്രചാരണം നടത്തിയിരുന്നു.
