ഐ.പി.എൽ പ്ലേ ഓഫ് ചരിത്രത്തിലെ ഏറ്റവും മികച്ച ഇന്നിംഗ്സുകളിൽ ഒന്ന്! ക്വാളിഫയർ 2-ൽ രജത് പടിദാർ നടത്തിയ വെടിക്കെട്ട് പ്രകടനം ക്രിക്കറ്റ് ലോകത്തെ അമ്പരപ്പിച്ചിരിക്കുകയാണ്. ഐ.പി.എൽ 2026-ലെ ഏറ്റവും മികച്ച ബൗളിംഗ് യൂണിറ്റിനെതിരെ വെറും 33 പന്തിൽ നിന്ന് 93* റൺസ് അടിച്ചുകൂട്ടിയാണ് പടിദാർ ആർ.സി.ബിയെ 254 – 5 എന്ന കൂറ്റൻ സ്കോറിലേക്ക് ടീമിനെ നയിച്ചു
ക്വാളിഫയർ 2-ൽ ഗുജറാത്തിനെ വിറപ്പിച്ച പ്രകടനമായിരുന്നു രജത് പടിദാറിന്റേത്. അഞ്ച് ഫോറുകളും ഒൻപത് കൂറ്റൻ സിക്സറുകളും അടങ്ങുന്നതായിരുന്നു അദ്ദേഹത്തിന്റെ ഇന്നിംഗ്സ്. സീസണിലെ ഏറ്റവും മികച്ച ബൗളിംഗ് നിരയെ അനായാസം നേരിട്ട പടിദാർ, ഐ.പി.എൽ ചരിത്രത്തിലെ ‘ബിഗ്ഗസ്റ്റ് ക്ലച്ച് പ്ലെയർ’ എന്ന വിശേഷണം സുരേഷ് റെയ്നയ്ക്കൊപ്പം പങ്കിടാൻ അർഹനായിരിക്കുകയാണ്.
ഐ.പി.എൽ പ്ലേ ഓഫ് മത്സരങ്ങളിൽ നിർണ്ണായക നിമിഷങ്ങളിൽ എല്ലായ്പ്പോഴും ടീമിന് തുണയാകുന്ന പടിദാറിന്റെ കണക്കുകൾ ഇങ്ങനെയാണ്:
112(54)* – എലിമിനേറ്റർ
58(42) – ക്വാളിഫയർ 2
34(22) – എലിമിനേറ്റർ
15(8)* – ക്വാളിഫയർ 1
26(16) – ഫൈനൽ
93(33)* – ക്വാളിഫയർ 2
തുടർച്ചയായി നിർണ്ണായക മത്സരങ്ങളിൽ തിളങ്ങുന്ന പടിദാർ ആർ.സി.ബിക്ക് വലിയൊരു മുതൽക്കൂട്ടാണ്. സമ്മർദ്ദഘട്ടങ്ങളിൽ തകർപ്പൻ ബാറ്റിംഗ് കാഴ്ചവെക്കാനുള്ള അദ്ദേഹത്തിന്റെ കഴിവ്, സുരേഷ് റെയ്നയുടെ ഐ.പി.എൽ പ്ലേ ഓഫ് പ്രകടനങ്ങളോട് ഒപ്പമെത്തിയിരിക്കുകയാണ്. ഐ.പി.എൽ ചരിത്രത്തിലെ തന്നെ ഏറ്റവും മികച്ച പ്ലേ ഓഫ് പ്രകടനങ്ങളിലൊന്നായി ഈ ഇന്നിംഗ്സ് വിലയിരുത്തപ്പെടുന്നു.
