ജോഷിയുടെ സംവിധാനത്തിൽ മമ്മൂട്ടി, സുരേഷ് ഗോപി, ജയറാം, വിക്രം, ഗൗതമി എന്നിവർ പ്രധാനവേഷങ്ങളിൽ അഭിനയിച്ച് 1993-ൽ പുറത്തിറങ്ങിയ ധ്രുവം സിനിമ കാണാത്ത ആളുകൾ കുറവായിരിക്കും. മമ്മൂട്ടി എന്ന നടന്റെ അഭിനയ ജീവിതത്തിലെ ഏറ്റവും മികച്ച കഥാപാത്രങ്ങളിൽ ഒന്നായി ഇതിലെ അദ്ദേഹം അവതരിപ്പിച്ച നരസിംഹ മന്നാടിയാർ എന്ന കഥാപാത്രത്തെ നമുക്ക് നിസംശയം പറയാൻ സാധിക്കും.
ചിത്രത്തിൽ കാമാക്ഷിപുരം, എന്ന ഗ്രാമത്തിന്റെ അവസാനവാക്കായ നരസിംഹ മന്നാടിയാർ കരുത്താനാണ്. പണവും, തന്റേടവും, ആരോഗ്യവും എല്ലാം ഉള്ള കഥാപാത്രം. എന്നാൽ ആ മന്നാഡിയാർ കഥാപാത്രതം എത്രത്തോളം കേമൻ ആണെന്ന് കാണുന്ന ആളുകൾക്ക് മനസിലാകുന്നത് അയാളെ എതിരിടുന്ന വില്ലനെ കാണുമ്പോൾ ആണ്. ടൈഗർ പ്രഭാകർ അവതരിപ്പിച്ച ക്രൂരനായ ഹൈദർ മരക്കാർ എന്ന കഥാപാത്രവും മമ്മൂട്ടിയെ പോലെ തന്നെ കരുത്തും, തന്റേടവും, ആരോഗ്യവും ഉള്ള ആളാണ്. ആരുടെ മുന്നിലും തോൽക്കാത്ത, ആരെയും വിലവെക്കാത്ത ഹൈദർ മരക്കാർ ആകെ അംഗീകരിക്കുന്നത് ശത്രുവായ മന്നാടിയാരെ മാത്രാമാണ്. “നരസിംഹം… Half Man Half Lion… എനിക്കൊത്ത എതിരാളി’ എന്നാണ് അയാളെ ശത്രുവിനെക്കുറിച്ച് പറയുന്ന വാചകം.
ശത്രു ആണെന്ന് കരുതി അയാളെ വിലകുറച്ച് കാണാനോ, അയാളെ നാളെ തന്നെ അവസാനിപ്പിക്കുമെന്നോ എന്നോ കണക്കുകൂട്ടലോ ഒന്നും ഇരുവർക്കും ഇല്ല. കാരണം, രണ്ട് കഥാപാത്രങ്ങൾക്കും പരസ്പരമുള്ള ശക്തി ദൗർബല്യങ്ങൾ എല്ലാം അറിയാം. ചിത്രത്തിൽ ഏറ്റവും അത്ഭുതപ്പെടുത്തിയത് വില്ലനായ, അധോലോക ബന്ധങ്ങൾ ഉള്ള ഹൈദർ മരക്കാരെ പോലെ കൊലപാതകവും, തല്ലുംപിടിയും കാണിച്ചു നടക്കുന്ന ആളും അല്ല നരസിംഹ മന്നാടിയാർ. എന്നിട്ട് പോലും “നരസിംഹം… Half Man Half Lion… “എന്ന വിശേഷണം ഹൈദർ പറയുന്നതും മന്നാടിയാരെ വിലകുറച്ച് കണ്ട പൊലീസുകാരനെ തിരുത്തുന്നതും കാണുമ്പോൾ നമുക്കും തോന്നും, ഈ നരസിംഹ മന്നാടിയാർ എന്താ റേഞ്ച് എന്ന്.
മമ്മൂട്ടി എന്ന നടൻ തന്റെ കരിയറിൽ ചെയ്ത അനേകം മാസ് വേഷങ്ങളിൽ എനിക്കേറ്റവും പ്രിയങ്കരം അദ്ദേഹത്തിന്റെ നരസിംഹ മന്നാടിയാർ എന്ന കഥാപാത്രമാണ്. “നരസിംഹം… Half Man Half Lion..” എന്ന വില്ലന്റെ ആ ഉള്ളിൽതട്ടിയ പ്രശംസ പോലെ ആ ഡയലോഗ് ഇപ്പോഴും മനസ്സിൽ തട്ടി നിൽക്കുകയാണ്.
