ചെന്നൈ സൂപ്പർ കിംഗ്സിന്റെ ഔദ്യോഗിക സോഷ്യൽ മീഡിയ പേജുകളിൽ പങ്കുവെക്കപ്പെട്ട ഒരു പുതിയ ചിത്രമാണ് ഇപ്പോൾ ആരാധകരുടെ ഇടയിൽ വലിയ ചർച്ചയായിരിക്കുന്നത്. ഇന്ത്യൻ ക്രിക്കറ്റ് താരം സഞ്ജു സാംസണും മലയാളത്തിന്റെ പ്രിയനടൻ മോഹൻലാലും ഒന്നിച്ചുള്ള മനോഹരമായ ഒരു സെൽഫിയാണ് ആരാധകരുടെ ശ്രദ്ധ പിടിച്ചുപറ്റുന്നത്.
‘ചേട്ടൻ വിത്ത് ഏട്ടൻ’ എന്ന ആകർഷകമായ അടിക്കുറിപ്പോടെയാണ് ചെന്നൈ സൂപ്പർ കിംഗ്സ് ഈ ചിത്രം സമൂഹമാധ്യമങ്ങളിൽ റിലീസ് ചെയ്തിരിക്കുന്നത്. ചിത്രം പുറത്തുവന്ന ഉടൻ തന്നെ ചുരുങ്ങിയ സമയത്തിനുള്ളിൽ ആയിരക്കണക്കിന് ലൈടുകളും കമന്റുകളുമാണ് ഇതിന് ലഭിച്ചുകൊണ്ടിരിക്കുന്നത്.
തന്റെ സ്മാർട്ടായ ലുക്കിൽ മീശ പിരിച്ച് നിൽക്കുന്ന മോഹൻലാലിനൊപ്പം സഞ്ജു സാംസൺ എടുത്ത ഈ ചിത്രം ഇരുതാരങ്ങളുടെയും ആരാധകർ ഇതിനോടകം തന്നെ ഏറ്റെടുത്ത് കഴിഞ്ഞു. സഞ്ജു തന്നെ നേരിട്ട് പകർത്തിയെടുത്ത സെൽഫിയിൽ മലയാള സിനിമയുടെ ഇതിഹാസത്തെ ‘ഗോട്ട്’ അഥവാ എക്കാലത്തെയും മികച്ച താരം എന്നാണ് അദ്ദേഹം വിശേഷിപ്പിച്ചത്.
സഞ്ജുവിന്റെ ഈ ഇൻസ്റ്റാഗ്രാം സ്റ്റോറി ക്രിക്കറ്റ് പ്രേമികളും സിനിമാപ്രേമികളും ഒരുപോലെ വലിയ ആവേശത്തോടെയാണ് സമൂഹമാധ്യമങ്ങളിൽ പങ്കുവെക്കുന്നത്. ‘സഞ്ജു വിത്ത് മോളിവുഡ് ഗോഡ്’ എന്ന് തുടങ്ങി നിരവധി രസകരമായ കമന്റുകളാണ് ചിത്രത്തിന് താഴെ ആരാധകർ കുറിക്കുന്നത്. മുമ്പ് ഇന്ത്യൻ ക്രിക്കറ്റിലെ ഇതിഹാസ താരം എം.എസ്. ധോണിക്കൊപ്പം മോഹൻലാൽ ഒരു പരസ്യ ചിത്രത്തിൽ ഒന്നിച്ച് അഭിനയിച്ചത് വലിയ രീതിയിൽ തരംഗം സൃഷ്ടിച്ചിരുന്നു.
എന്തായാലും മലയാളികളുടെ സ്വന്തം ലാലേട്ടനും പ്രിയപ്പെട്ട ക്രിക്കറ്റ് താരവും ഒരു ചട്ടക്കൂടിൽ ഒത്തുകൂടിയ സന്തോഷത്തിലാണ് ഇപ്പോൾ ആരാധക ലോകം
