ഓട്ടോ യാത്രയ്ക്കിടയിൽ റോഡരികിൽ കണ്ട കളിപ്പാട്ടം മകന് വാങ്ങി നൽകാൻ ആഗ്രഹിച്ചെങ്കിലും പണമില്ലാതെ വിഷമിച്ച ഡ്രൈവർക്ക് താങ്ങായി മാറിയ ഒരു യുവതിയുടെ അനുഭവം സമൂഹമാധ്യമങ്ങളിൽ വൈറലാകുന്നു. തൻവി ചന്ദ്ര എന്ന വിദ്യാർത്ഥിനിയാണ് തന്റെ കോളേജ് യാത്രയ്ക്കിടയിൽ ഉണ്ടായ ഹൃദയസ്പർശിയായ ഈ സംഭവം സമൂഹമാധ്യമങ്ങളിലൂടെ പങ്കുവെച്ചത്. കോളേജിലേക്ക് പോകുന്ന വഴി സിഗ്നലിൽ ഓട്ടോ നിർത്തിയപ്പോഴാണ് വലിയ കാറിന്റെയും മിനി ട്രാക്ടറിന്റെയും രൂപത്തിലുള്ള കളിപ്പാട്ടങ്ങളുമായി ഒരു കച്ചവടക്കാരൻ ഓട്ടോയുടെ അരികിലെത്തിയത്. വളരെ മാന്യമായി സംസാരിച്ച കച്ചവടക്കാരനോട് തൻവി ആദ്യം കളിപ്പാട്ടം വേണ്ടെന്ന് പറഞ്ഞു.
എന്നാൽ ഈ സമയം കളിപ്പാട്ടത്തിന്റെ വില ചോദിച്ച ഓട്ടോ ഡ്രൈവർ, 550 രൂപയാണെന്ന മറുപടി കേട്ട് സങ്കടത്തോടെ പിന്മാറുകയായിരുന്നു. തനിക്ക് ആ കളിപ്പാട്ടം വാങ്ങാൻ കഴിയുന്ന സാമ്പത്തിക സ്ഥിതിയിലല്ലെന്ന് തിരിച്ചറിഞ്ഞ അദ്ദേഹത്തിന്റെ മുഖം വിഷമം കൊണ്ട് വാടിപ്പോയെന്ന് തൻവി പറയുന്നു.
ഓൺവേഡ് ഫുഡ് ഡെലിവറി ആപ്പുകളിലും മറ്റും നമ്മൾ എത്രയോ പണം വെറുതെ കളയാറുണ്ടെന്നും, അതിനാൽ തനിക്ക് ആ ഡ്രൈവറെ സഹായിക്കാമെന്നും ആ നിമിഷം തോന്നിയെന്ന് തൻവി കൂട്ടിച്ചേർത്തു. തുടർന്ന് കച്ചവടക്കാരനുമായി വിലപേശി 450 രൂപയ്ക്ക് അവൾ ആ കളിപ്പാട്ടം വാങ്ങി ഡ്രൈവർക്ക് സമ്മാനിച്ചു.
കളിപ്പാട്ടം ലഭിച്ചപ്പോൾ സന്തോഷം കൊണ്ട് വാക്കുകൾ കിട്ടാതെ പോയ ഡ്രൈവർ, തന്റെ കുടുംബത്തിന്റെ വിശേഷങ്ങളാണ് പിന്നീട് പങ്കുവെച്ചത്. താൻ എപ്പോഴും ജോലി കഴിഞ്ഞ് വരുമ്പോൾ മകൻ തനിക്ക് കളിക്കൂട്ടങ്ങൾ ഒന്നും വാങ്ങിത്തരാറില്ലേ എന്ന് ചോദിക്കാറുണ്ടെന്ന് ഡ്രൈവർ സങ്കടത്തോടെ പറഞ്ഞു. തുടർന്ന് തന്റെ കുടുംബത്തിന്റെ ചിത്രങ്ങളും അദ്ദേഹം തൻവിയെ കാണിക്കുകയുണ്ടായി. ഈ അനുഭവം തന്റെ ജീവിതത്തിൽ താൻ ചെലവഴിച്ചതിൽവെച്ച് ഏറ്റവും മൂല്യമുള്ള ആയിരം രൂപയാണെന്ന് ഓർമ്മിപ്പിച്ചുകൊണ്ട് തൻവി പങ്കുവെച്ച വീഡിയോ ഇതിനോടകം തന്നെ വലിയ രീതിയിൽ ശ്രദ്ധിക്കപ്പെടുകയും, നിരവധി പേർ യുവതിയുടെ നല്ല മനസ്സിനെ പ്രശംസിച്ച് രംഗത്തെത്തുകയും ചെയ്തിട്ടുണ്ട്.
https://www.instagram.com/reel/Dc6KIloT_hb/?utm_source=ig_embed&ig_rid=AxX9_KS8bWIsBZcVEfQ-hk3
