കാസര്‍കോഡ് : ദുരൂഹ സാഹചര്യത്തില്‍ വ്യക്തികളെ കാണാതായെന്ന പരാതിയുമായി കൂടുതല്‍പേര്‍ രംഗത്ത്. കാസര്‍കോഡുനിന്നും പാലക്കാട്ടുനിന്നും കാണാതായ ഏതാനും പേര് ഭീകര സംഘടനയായ ഇസ്‌ലാമിക് സ്റ്റേറ്റ് (ഐ.എസ്) ല്‍ ചേര്‍ന്നുവെന്ന വെളിപ്പെടുത്തലിന് പിന്നാലെയാണ് കൂടുതല്‍ പരാതികള്‍ ലഭിച്ചത്. ആറ് പേര് ഞായറാഴ്ച പോലീസില്‍ പരാതി നല്‍കി. ഇതോടെ ഐ.എസ് ബന്ധം സംശയിച്ച് പോലീസില്‍ പരാതി നല്‍കിയവരുടെയെണ്ണം എട്ടായി.
ഐ.എസ്. ക്യാമ്പിലെത്തിയെന്ന് സംശയിക്കുന്ന പാലക്കാട് സ്വദേശി ബെക്‌സന്‍ എന്ന ഈസ (31) യുടെ പിതാവ് അടക്കം ശനിയാഴ്ച പോലീസില്‍ പരാതി നല്‍കിയിരുന്നു. മറ്റൊരു മകനായ ബെറ്റ്‌സന്‍ എന്ന യഹ്യ (23), ഭാര്യ മെറിന്‍ എന്ന മറിയം, ബെക്‌സന്റെ ഭാര്യ നിമിഷ എന്ന ഫാത്തിമ എന്നിവരെയും കാണാതായെന്ന് പരാതിയില്‍ പറഞ്ഞിരുന്നു.
അതിനിടെ തിരുവനന്തപുരം സ്വദേശിനി നിമിഷ ഫാത്തിമയുടെ അമ്മ മുഖ്യമന്ത്രി പിണറായി വിജയനെ സന്ദര്‍ശിച്ച് നേരിട്ട് പരാതി നല്‍കി. പോലീസിന് ലഭിച്ച എട്ട് പരാതികള്‍ക്ക് പുറമെയാണിത്.
, ദുരൂഹ സാഹചര്യത്തില്‍ കേരളത്തില്‍നിന്ന് മൊത്തം 19 പേരെ കാണാതായതായാണ് വിവരം. കാസര്‍കോടു നിന്ന് 15 പേരെയും പാലക്കാടുനിന്ന് 4 പേരെയുമാണ് കാണാതായിരിക്കുന്നത്. ഇതില്‍ ആറ് സ്ത്രീകളും മൂന്ന് കുട്ടികളും ഉള്‍പ്പെടുന്നു.
Discussion about this post