കശ്മീര്: കശ്മീരിലെ നിയന്ത്രണരേഖയില് പാകിസ്ഥാന് സേന നടത്തിയ വെടിവെപ്പില് ഒരു ബി.എസ്.എഫ് ജവാന് കൊല്ലപ്പെട്ടു. മൂന്നു പേര്ക്ക് പരിക്കേറ്റു. കശ്മീരിലെ രജൗറി സെക്ടറിലാണ് ഞായറാഴ്ച രാത്രി വെടിവെപ്പ് നടന്നത്.
അതേസമയം, പാകിസ്ഥാന് ശക്തമായ തിരിച്ചടി നല്കിയതായി സൈനിക വടക്കന് കമാന്ഡ് അറിയിച്ചു. 24 മണിക്കൂറിനുള്ളില് നടന്ന മൂന്നാമത്തെ വെടിനിര്ത്തല് കരാര് ലംഘനമാണിത്. കഴിഞ്ഞ ശനിയാഴ്ചയും ഞായറാഴ്ചയും പാക് സേന വെടിനിര്ത്തല് കരാര് ലംഘിച്ചിരുന്നു. സൈനിക പോസ്റ്റുകളും ജനവാസ കേന്ദ്രങ്ങളും ലക്ഷ്യമിട്ടായിരുന്നു എല്ലാ ആക്രമണങ്ങളും.
പാക് അധീന കശ്മീരിലെ ഭീകരവാദികളുടെ കേന്ദ്രങ്ങളില് ഇന്ത്യന് സേന മിന്നലാക്രമണം നടത്തിയിരുന്നു. ഇതിന് ശേഷം 286 തവണ പാക് സേന വെടിനിര്ത്തല് ലംഘിച്ച് ആക്രമണങ്ങള് നടത്തി. ഇതുവരെ 14 സൈനികരടക്കം 26 പേരാണ് കൊല്ലപ്പെട്ടത്.
Discussion about this post