ചെന്നൈ: തമിഴ്‌നാട്ടില്‍ സിനിമ തീയേറ്ററില്‍ ദേശിയഗാനം കേള്‍പ്പിക്കുമ്പോള്‍ സെല്‍ഫിയെടുത്തവര്‍ക്കെതിരെ ചെന്നൈ പൊലീസ് കേസെടുത്തു. തീയേറ്ററില്‍ ദേശിയഗാനം നിര്‍ബന്ധമാക്കിയതിന് ശേഷമുള്ള രാജ്യത്തെ ആദ്യ കേസാണിത്.
ചെന്നൈ അശോക് നഗറിലെ കാശി തീയേറ്ററിലാണ് സംഭവം. സിനിമ തുടങ്ങുന്നതിന് മുമ്പ് ദേശീയഗാനം കേള്‍പ്പിക്കുന്നതിനിടെ സ്ത്രീ ഉള്‍പ്പെടെയുള്ള ഏഴംഗ സംഘം സെല്‍ഫി എടുക്കുകയായിരുന്നു. ഇത് മറ്റൊരു സംഘം ചോദ്യം ചെയ്തതോടെ സംഘര്‍ഷമുണ്ടാവുകയും പൊലീസ് സ്ഥലത്തെത്തി ദേശീയഗാനത്തെ അപമാനിച്ചതിന് കേസെടുക്കുകയുമായിരുന്നു.
Discussion about this post