ഡല്ഹി: 2017 മാര്ച്ച് 31 ന് ശേഷവും അസാധുവാക്കപ്പെട്ട 500,1000 നോട്ടുകള് കൈവശം വെക്കുന്നവര്ക്ക് പിഴയും തടവ് ശിക്ഷയും നിര്ദേശിക്കുന്ന ഓര്ഡിനന്സിന് കേന്ദ്രമന്ത്രിസഭ അനുമതി നല്കി. മാര്ച്ച് 31 വരെ അസാധു നോട്ടുകള് റിസര്വ്വ് ബാങ്ക് കേന്ദ്രങ്ങളില് നിക്ഷേപിക്കാനും അവസരം ഉണ്ട്.
അതേസമയം മാര്ച്ച് 31 ന് ശേഷം 10,000 രൂപയ്ക്ക് മുകളിലുള്ള അസാധു നോട്ടുകള് കൈവശം വയ്ക്കുകയോ കൈമാറ്റം ചെയ്യുന്നതും കുറ്റമാകും. നിയന്ത്രണത്തില് കൂടുതലുള്ള അസാധു നോട്ടുകള് കൈവശം വെയ്ക്കുകയോ കൈമാറ്റം ചെയ്യുകയോ ചെയ്താല് നാല് വര്ഷം തടവും കുറഞ്ഞത് 50,000 രൂപവരെ പിഴ ഇടാക്കാനാണ് നിര്ദിഷ്ട ഓര്ഡിനന്സ് വ്യവസ്ഥ ചെയ്യുന്നത്. കൈവശമുള്ള നോട്ടുകളുടെ അഞ്ചിരട്ടിയോ അല്ലെങ്കില് 50,000 രൂപയോ എതാണോ കൂടുതല് അതാകും പിഴയായി ഈടാക്കുക.
ഇത്തരം കേസുകള് മുന്സിപ്പല് മജിസ്ട്രേട്ടുമാര്ക്ക് ശിക്ഷ വിധിക്കാന് അധികാരമുണ്ടാകും.
ഡിസംബര് 31 വരെയാണ് അസാധുനോട്ടുകള് ബാങ്കുകളില് നിക്ഷേപിക്കാനുള്ള സമയം. അതിനുശേഷം 2017 മാര്ച്ച് 31 വരെ റിസര്വ് ബാങ്ക് കേന്ദ്രങ്ങളില് അസാധു നോട്ടുകള് നിക്ഷേപിക്കാം. ഇതിന് ശേഷവും ഇത്തരം നോട്ടുകള് കൈവശം വെക്കുന്നത് തടയാനാണ് നിയമനിര്മാണം.
Discussion about this post