തൊടുപുഴ: ഓണ്ലൈന് തട്ടിപ്പിനിരയായ പ്രവാസിക്ക് നഷ്ടമായത് ഒന്നേകാല് കോടി നഷ്ടമായതായി പരാതി. 17 വര്ഷത്തെ പ്രവാസ ജീവിതത്തിനു ശേഷം തിരികെയെത്തി 2020 മുതല് ഷെയര് ബിസിനസ് നടത്തുന്ന കാഞ്ഞിരമറ്റം സ്വദേശിയായ അന്പത്താറുകാരനാണ് തട്ടിപ്പിനിരയായത്.
പ്ലേ സ്റ്റോറില് നിന്നു പ്രമുഖ ഷെയര് ബിസിനസ് ആപ്പിന്റെ വ്യാജപ്പതിപ്പ് ഡൗണ്ലോഡ് ചെയ്യിച്ചു പണം നിക്ഷേപിച്ചാണ് തട്ടിപ്പ് നടത്തിയത് എന്ന് പരാതിയില് പറയുന്നു. ബംഗാള് കേന്ദ്രീകരിച്ചാണു തട്ടിപ്പ് ആസൂത്രണം ചെയ്തെന്നാണ് പൊലീസിന്റെ നിഗമനം.
ഓഹരി ഇടപാടില് നിന്നു ലഭിക്കുന്ന ലാഭത്തിന്റെ 20 % ജീവകാരുണ്യ പ്രവര്ത്തനത്തിനായി നല്കണമെന്ന് അറിയിച്ചാണ് ബിസിനസ് തുടങ്ങിയത്. തുടര്ന്നു തുടക്കത്തില് നിക്ഷേപത്തിനനുസരിച്ച് ലാഭമെത്തി. ലാഭം കിട്ടിയ പണം പിന്വലിക്കാന് മുതിര്ന്നപ്പോഴാണു തട്ടിപ്പാണെന്നു തിരിച്ചറിയുന്നത്. 1.23 കോടി രൂപയാണു നഷ്ടപ്പെട്ടത്.
തട്ടിപ്പിന് മുമ്പ് ഫോണില് സംസാരിച്ചിരുന്നവരെ ഇപ്പോള് ബന്ധപ്പെടാന് സാധിക്കുന്നില്ലെന്ന് പരാതിക്കാരന് പൊലീസിനെ അറിയിച്ചു. തട്ടിപ്പ് സംബന്ധിച്ച് സൈബര് പൊലീസ് അന്വേഷണം ആരംഭിച്ചു.
Discussion about this post