തിരുവനന്തപുരം: സംവിധായകൻ ശ്യാമ പ്രസാദിന്റെ ഭാര്യയും എസ്ബിഐ ഉദ്യോഗസ്ഥയുമായ ഷീബ ശ്യാമപ്രസാദ് അന്തരിച്ചു. 59 വയസ്സായിരുന്നു. തിരുവനന്തപുരത്തെ സ്വകാര്യ ആശുപത്രിയിൽ ചൊവ്വാഴ്ച രാത്രിയോടെയായിരുന്നു അന്ത്യം.
അർബുദബാധിതയായിരുന്ന ഷീബ ഏറെ നാളായി ചികിത്സയിലായിരുന്നു. ഇതിനിടെ അടുത്തിടെ രോഗം മൂർച്ഛിച്ചു. കഴിഞ്ഞ ദിവസം ആരോഗ്യനില വഷളായിരുന്നു. എറണാകുളം ചേന്ദമംഗലം സ്വദേശിനിയാണ് ഷീബ. നർത്തകിയായിരുന്ന ഷീബ നിരവധി പരിപാടികളുടെ അവതാരകയും പ്രൊഡ്യൂസറുമായിരുന്നു. ദൂരദർശനിലെ അനൗൺസർ കൂടിയായിരുന്നു ഷീബ.
മക്കൾ വിഷ്ണു ശ്യാമപ്രസാദ്, ശിവകാമി ശ്യാമപ്രസാദ്. പരസ്യസംവിധായകനും നിർമ്മാതാവുമാണ് വിഷ്ണു. ശിവകാമി വിദ്യാർത്ഥിനിയാണ്. സംസ്കാരം ബുധനാഴ്ച വൈകീട്ട് തൈക്കാട് ശാന്തികവാടത്തിൽ നടക്കും. മുതിർന്ന ബിജെപി നേതാവ് ഒ. രാജഗോപാലിന്റെ മരുമകളാണ്.
Discussion about this post