കെ എസ് ഇബിയുടെ കേബിളുകള്‍ മോഷ്ടിക്കാന്‍ ശ്രമം. ഇതുമൂലം കൊട്ടിയത്ത് പലഭാഗങ്ങളിലും വൈദ്യുതിവിതരണം ഏേെറനരം തടസ്സപ്പെട്ടു. വ്യാഴാഴ്ച രാത്രി പന്ത്രണ്ടരയോടെയോടെയാണ് സംഭവം. ദേശീയപാതയില്‍ കൊട്ടിയം പട്ടരുമുക്കിനു സമീപം മുസ്ലിം ജമാഅത്ത് പള്ളിക്കടുത്തുനിന്നാണ് ഭൂമിക്കടിയിലൂടെയുള്ള കെ.എസ്.ഇ.ബി.യുടെ 11 കെ.വി. യു.ജി.കേബിള്‍ മോഷ്ടിക്കാന്‍ ശ്രമിച്ചത്.
എന്നാല്‍ കേബിള്‍ മുറിക്കുന്നതിനിടെ വൈദ്യുതിബന്ധം സ്വയം ഡ്രിപ്പായതിനാല്‍ വലിയദുരന്തം ഒഴിവായി. ഇതിന് പിന്നാലെ അപ്രതീക്ഷിതമായി വൈദ്യുതിവിതരണം നിലച്ചതോടെ വൈദ്യുതി ബോര്‍ഡ് ജീവനക്കാര്‍ പരിശോധന നടത്തിയെങ്കിലും കാരണം കണ്ടെത്താനായില്ല. വെള്ളിയാഴ്ച പുലര്‍ച്ചയോടെയാണ് കേബിള്‍ മുറിച്ചനിലയില്‍ കണ്ടത്. തുടര്‍ന്ന് മണിക്കൂറുകളോളം നടത്തിയ പരിശ്രമത്തിനൊടുവിലാണ് വെള്ളിയാഴ്ച ഉച്ചയോടെ് വൈദ്യുതിവിതരണം പുനഃസ്ഥാപിക്കാനായത്.
വൈദ്യുതി ബോര്‍ഡിന് വലിയ സാമ്പത്തിക നഷ്ടത്തിനും ഇത് കാരണമായി. വൈദ്യുതിവിതരണം തടസ്സപ്പെട്ടത് മൂവായിരത്തോളം ഉപഭോക്താക്കളെയാണ് ബാധിച്ചത്.. ഓണത്തിരക്കിനിടെ വൈദ്യുതിവിതരണം നിലച്ചത് വ്യാപാരികളെയും കഷ്ടത്തിലാക്കി. നിരവധി സ്ഥാപനങ്ങളിലെ ഓണാഘോഷപരിപാടികള്‍ പ്രതിസന്ധിയിലായി.
ദേശീയപാത ആറുവരിയാക്കുന്നതിന്റെ ഭാഗമായി ഓട നിര്‍മിക്കുന്നതിന് കുഴിയെടുത്തതിനാല്‍ കേബിളിന്റെ പലഭാഗങ്ങളും പുറത്തുകാണാവുന്ന നിലയിലായിരുന്നു ഉണ്ടായിരുന്നത് വൈദ്യുതി പ്രവഹിച്ചിരുന്ന കേബിള്‍ മുറിക്കാന്‍ ശ്രമിച്ചത് വലിയ അപകടങ്ങള്‍ക്കു കാരണമാകുമായിരുന്നെന്ന് ജീവനക്കാര്‍ പറഞ്ഞു.
ഈ സ്ഥലത്തുനിന്നും ഹാക്‌സോ ബ്ലേഡുകളും ലൈറ്ററും കമ്പികളും ലഭിച്ചിട്ടുണ്ട് . സംഭവത്തില്‍ കെ.എസ്.ഇ.ബി. അധികൃതര്‍ കൊട്ടിയം പോലീസില്‍ പരാതി നല്‍കി.
Discussion about this post