1999 ൽ ഐശ്വര്യറായിയും സൽമാൻ ഖാനും നായിക നായകന്മാരായി എത്തിഅജയ് ദേവഗണും പ്രധാനവേഷം കൈകാര്യം ചെയ്ത സൂപ്പർഹിറ്റ് റൊമാന്റിക് ചിത്രമാണ് ഹം ദിൽ ദേ ചുകേ സനം. ത്രികോണ പ്രണയകഥ പറയുന്ന ഈ ചിത്രം നിരവധി പേരുടെ മനസിനെയാണ് കീഴടക്കിയത്. സ്വന്തം ഭാര്യയെ ത്വജിച്ച് കാമുകനൊപ്പം പോകാൻ അനുവദിച്ച അജയ് ദേവ് ഗൺ കഥാപാത്രത്തെ പോലെ യഥാർത്ഥ ജീവിതത്തിലും വലിയ ത്യാഗം നടത്തിയിരിക്കുകയാണ് ഉത്തർപ്രദേശിലെ ഡിയോറയിലെ ഒരു യുവാവ്.
കഴിഞ്ഞ വർഷമാണ് യുവാവ് വിവാഹിതനാവുന്നത്. ഒരു വർഷം കഴിഞ്ഞിട്ടും ഭാര്യയ്ക്ക് തന്റെ കാമുകനെ മറക്കാനായില്ല. ഈ കഴിഞ്ഞ വെള്ളിയാഴ്ച ബിഹാർ സ്വദേശിയായ കാമുകൻ യുവതിയെ കാണാനെത്തി. സംഭവം അറിഞ്ഞ യുവാവ് ഭാര്യയുടേയും കാമുകന്റേയും വിവാഹം നടത്തിക്കൊടുക്കാൻ തീരുമാനിക്കുകയായിരുന്നു.
രണ്ട് വീട്ടുകാരുടെയും സമ്മതം വാങ്ങിയ ശേഷം യുവാവ് ഭാര്യയെയും കാമുകനെയും ക്ഷേത്രത്തിൽ കൊണ്ടുപോയി വിവാഹം കഴിപ്പിച്ചു. തുടർന്ന് കാമുകൻ വന്ന അതേ മോട്ടോർസൈക്കിളിൽ അവരെ യാത്രയയച്ചു. സ്നേഹിക്കുന്ന ഹൃദയങ്ങൾ ഒന്നിക്കാൻ സഹായിച്ച യുവാവിന് നന്ദിയെന്നാണ് സോഷ്യൽമീഡിയ ഉപയോക്താക്കൾ പറയുന്നത്.
Discussion about this post