തിരുവനന്തപുരം : എസ്.എഫ്.ഐ. നേതാവ് എം. അഭിമന്യുവിന്റെ കൊലപാതകവുമായി ബന്ധപ്പെട്ട് പോപ്പുലര് ഫ്രണ്ട് സംസ്ഥാന വൈസ് പ്രസിഡന്റ് കെ.എച്ച്. നാസറിനെ പോലീസ് കസ്റ്റഡിയിലെടുത്തു. മുളന്തുരുത്തിയിലെ വീട്ടില്നിന്നാണ് പിടികൂടിയത്. ഇന്നലെ രാത്രി ഇയാളുടെ വീട്ടില് ആലുവ പോലീസ് നടത്തിയ തെരച്ചിലില് ചില രേഖകള് കണ്ടെത്തിയിരുന്നു.
മൂവാറ്റുപുഴയിലെ രഹസ്യകേന്ദ്രത്തില്വെച്ച് വെള്ളിയാഴ്ച പുലര്ച്ചെവരെ നാസറിനെ ചോദ്യംചെയ്തു. രക്തസമ്മര്ദം കൂടിയതിനെത്തുടര്ന്ന് ഇയാളെ ആശുപത്രിയില് പ്രവേശിപ്പിച്ചു. കൊലപാതകവുമായി ബന്ധപ്പെട്ട് ആലുവയില് നിന്ന് കഴിഞ്ഞ ദിവസം രണ്ട് എസ്ഡിപിഐ പ്രവര്ത്തകരെ അറസ്റ്റ് ചെയ്തിരുന്നു. അറസ്റ്റുചെയ്തവരില്നിന്ന് ലഭിച്ച വിവരങ്ങളുടെ അടിസ്ഥാനത്തിലായിരുന്നു നാസറിന്റെ വീട്ടില് തിരച്ചില് നടത്തിയത്.
പോപ്പുലര് ഫ്രിന്റെ പ്രമുഖ നേതാവാണ് നാസര്. സംസ്ഥാന ജനറല് സെക്രട്ടറി, ട്രഷറര് പദവികള് വഹിച്ചിട്ടുണ്ട്. പോപ്പുലര് ഫ്രണ്ടിന്റെ നിയന്ത്രണത്തിലുള്ള ദിനപത്രത്തിന്റെ നയരൂപവത്കരണ സമിതിയിലും അംഗമാണ്. പോപ്പുലര് ഫ്രണ്ട് സംസ്ഥാന പ്രസിഡന്റ് നാസറുദ്ദീന് എളമരത്തിന്റെ വീട്ടില് കഴിഞ്ഞദിവസം പോലീസ് തിരച്ചില് നടത്തിയിരുന്നു.
Discussion about this post