മുംബൈയിലെ നാല് വൻകിട ഹോട്ടലുകളിൽ കുപ്രസിദ്ധ ഭീകരസംഘടനയായ ലഷ്കർ ഇ ത്വയ്ബയുടെ ബോംബ് ഭീഷണി. 100 ബിറ്റ്കോയിൻ തന്നില്ലെങ്കിൽ, ഹോട്ടൽ സ്ഫോടനത്തിൽ ചിതറിച്ചു കളയും എന്നാണ് ബുധനാഴ്ച, ഇമെയിൽ സന്ദേശത്തിലൂടെ ഭീകരർ ഭീഷണിപ്പെടുത്തിയിരിക്കുന്നത്.
ഇന്റർനെറ്റ് അധോലോകമായ ഡാർക് വെബ്ബിൽ പണമിടപാടുകൾ നടത്താനുള്ള സാങ്കല്പിക കറൻസിയാണ് ബിറ്റ് കോയിൻ. ഒരു ബിറ്റ് കോയിന് ഏതാണ്ട് ഇന്ത്യൻ കറൻസി 7 ലക്ഷം രൂപയോളം വിലയുണ്ട്.24 മണിക്കൂറിനുള്ളിൽ തങ്ങളുടെ അക്കൗണ്ടിലേക്ക് കോയിൻ നിക്ഷേപിച്ചില്ലെങ്കിൽ ഹോട്ടൽ തകർത്തു കളയും എന്നാണ് ഭീകരർ പറഞ്ഞിരിക്കുന്നത്. ഹോട്ടൽ തകർക്കാൻ സാധിച്ചില്ലെങ്കിൽ, ജീവനക്കാരുടെ കുട്ടികളെ കൊല്ലുമെന്നും ഇ-മെയിലിലുണ്ട്. ബോംബ് സ്ക്വാഡ്, ഹോട്ടലുകൾ മുഴുവൻ അരിച്ചു പെറുക്കിയെങ്കിലും സംശയാസ്പദമായി ഒന്നും തന്നെ കണ്ടുകിട്ടിയില്ല.
Discussion about this post