എളുപ്പത്തിൽ പണക്കാരനാകാൻ ലോട്ടറി എടുക്കുന്നവരാണ് നമ്മൾ മലയാളികൾ. പണക്കാരനാകാൻ ദിവസവും കണക്കില്ലാത്ത ലോട്ടറിയെടുത്ത് പിച്ചക്കാരായവരും നമുക്കിടയിലുണ്ട്. ലോട്ടറി എടുക്കുന്നത് ഒരു ശീലമേ അല്ലെങ്കിലും അപ്രതീക്ഷിതമായതി ലോട്ടറിയെടുത്ത് അടിച്ചവരെ കുറിച്ചും നമ്മൾ കേൾക്കാറുണ്ട്.
അത്തരത്തിൽ പ്രതീക്ഷിക്കാതെ ലോട്ടറിയെടുത്ത് കോടീശ്വരനായ ഒരു ഭാഗ്യവാനെ കുറിച്ചുള്ള വാർത്തയാണ് ഇപ്പോൾ പുറത്തുവരുന്നത്. അതിലെ ഏറ്റവും വലിയ കൗതുകമെന്താണെന്നാൽ, ഒറ്റ ലോട്ടറിയെടുത്ത 52കാരന് അതിൽ നിന്നും മാസവും ഒരു കോടി രൂപ വീതമാണ് കിട്ടുന്നത് എന്നതാണ്.
വിൽറ്റ്ഷേയറിലെ ട്രോബിഡ്ജിൽ നിന്നുള്ള 52കാരനായ ജോൺ സ്ട്രീംബ്രിഡ്ജ് നാഷണൽ ലോട്ടറിയുടെ സെറ്റ് ഫോർ ലൈഫിൽ നിന്നുമാണ് ലോട്ടറി വാങ്ങിയത്. കുറേക്കാലങ്ങൾ അയാൾ അതിന്റെ ഫലം പോലും നോക്കിയിരുന്നില്ല. പിന്നീട് ഒരു ദിവസം കാറിൽ ഈ ടിക്കറ്റ് ശ്രദ്ധയിൽ പെട്ട ജോൺ അടുത്തു കണ്ട കടയിൽ കയറി ഫലം നോക്കുകയായിരുന്നു. എന്നാൽ, ഫലം കണ്ട ജോണിന് വലിയ ഞെട്ടിലാണ് ഉണ്ടായത്. ഒന്നാം സമ്മാനമായിരുന്നു ജോണിന്റെ ടിക്കറ്റിന് അടിച്ചിരുന്നത്. ഒന്നാം സമ്മാനത്തിലെ തുകയാണ് ജോണിനെ ഏറെ ഞെട്ടിച്ചത്. അടുത്ത 30 വർത്തേക്ക് ഒരു കോടി രൂപ വച്ചായിരുന്നു ഒന്നാം സമ്മാനം.
അപ്രതീക്ഷിതമായി ഭാഗ്യം തേടി വന്നതിന്റെ സന്തോഷത്തിലാണ് ജോൺ. ഏറെ സാമ്പത്തിക ബുദ്ധിമുട്ടുകൾ നിറഞ്ഞതായിരുന്നു തന്റെ ജീവിതമെന്നും ഇപ്പോൾ അതെല്ലാം മാറി സന്തോഷവാനായാണ് ജീവിക്കുന്നതെന്നും ജോൺ പറയുന്നു.
Discussion about this post