കോവിഡ് -19 മഹാമാരിയെ തുടർന്ന് ശ്രീ അമർനാഥ് ക്ഷേത്ര സമിതി ഈ വർഷത്തെ അമർനാഥ് യാത്ര ഉപേക്ഷിച്ചു.മുമ്പ് ജൂലൈ 21ന് അമർനാഥ് യാത്ര ആരംഭിക്കുമെന്ന് അധികൃതർ അറിയിച്ചിരുന്നു.എന്നാൽ, ദിനംപ്രതി കോവിഡ് ബാധിതരുടെ എണ്ണം വർധിച്ചു വരുന്ന സാഹചര്യത്തിലാണ് തീരുമാനം മാറ്റിയത്.ഭക്തരുടെ മാനസികാവസ്ഥ പരിഗണിച്ച് അമർനാഥ് യാത്ര ചടങ്ങുകൾ തൽസമയം സംപ്രേഷണം ചെയ്യുമെന്ന് അധികൃതർ അറിയിച്ചിട്ടുണ്ട്.
ചൊവ്വാഴ്ച കൂടിയ അമർനാഥ് ക്ഷേത്ര സമിതി യോഗത്തിൽ, ഇപ്പോഴുള്ള സാഹചര്യത്തിൽ അമർനാഥ് യാത്ര നടത്തുന്നത് ഉചിതമായ തീരുമാനമല്ലെന്ന് കണ്ടെത്തുകയായിരുന്നു.39 മത്തെ ബോർഡ് മീറ്റിങ്ങിൽ അധ്യക്ഷത വഹിച്ചത് അമർനാഥ്ജി ശ്രിൻ ബോർഡിന്റെ ചെയർമാനായ ലഫ്റ്റനന്റ് ഗവർണർ ഗിരീഷ് ചന്ദ്ര മർമുവാണ്.അമർനാഥ് യാത്ര നടത്തണമോയെന്ന കാര്യത്തിൽ അന്തിമ തീരുമാനമെടുക്കാൻ ജമ്മു കശ്മീർ കോടതി ബോർഡിന് അനുവാദം നൽകിയിരുന്നു.
Discussion about this post