ഡൽഹി : കൊവിഡാനന്തരം പ്രതിരോധശേഷി വർദ്ധിപ്പിക്കാനുള്ള മാർഗനിർദേശങ്ങളുമായി കേന്ദ്രസർക്കാർ.പ്രതിരോധ ക്ഷമത കൂട്ടാൻ ഡോക്ടർമാരുടെ നിർദേശപ്രകാരം ആയുഷ് മരുന്നുകൾ ഉപയോഗിക്കാമെന്ന് കേന്ദ്ര സർക്കാർ മാർഗ നിർദേശത്തിൽ വെളിപ്പെടുത്തുന്നു.
കോവിഡ് ഭേദമായതിനുശേഷവും പലരിലും ശാരീരികാസ്വസ്ഥതകൾ പ്രകടമാകുന്നുണ്ട്. ശരീരവേദന, തൊണ്ടവേദന, ക്ഷീണം, ശ്വാസതടസ്സം തുടങ്ങിയ ലക്ഷണങ്ങളാണ് പ്രധാനമായും മിക്കവരിലും കണ്ടുവരുന്നത്. ഈ പശ്ചാത്തലത്തിലാണ് രോഗവിമുക്തർക്കുള്ള മാർഗ്ഗനിർദ്ദേശങ്ങൾ കേന്ദ്ര സർക്കാർ പുറപ്പെടുവിച്ചത്. പ്രാണായാമം,ധ്യാനം, യോഗ എന്നിവ ചെയ്യാനും മാർഗ്ഗ നിർദ്ദേശത്തിൽ അനുശാസിക്കുന്നുണ്ട്.ഓരോരുത്തരുടെയും ആരോഗ്യസ്ഥിതി അനുസരിച്ചാണ് ഇതെല്ലാം പരിശീലിക്കാൻ നിർദ്ദേശിച്ചിട്ടുള്ളത്.ഓരോ സ്പൂൺ വീതം ച്യവനപ്രാശം കഴിക്കാനും രാവിലെയും വൈകിട്ടും നടത്തം പതിവാക്കാനുള്ള നിർദേശവും ആരോഗ്യമന്ത്രാലയം മുന്നോട്ടു വെച്ചിട്ടുണ്ട്. പുകവലി,മദ്യപാനം എന്നിവ പാടെ ഒഴിവാക്കാനും സർക്കാർ മാർഗനിർദേശത്തിൽ വ്യക്തമാക്കുന്നു
Discussion about this post