ഡൽഹി: ബിഹാറിൽ തെരഞ്ഞെടുപ്പ് പ്രചാരണ പരിപാടികൾക്ക് ഗംഭീര തുടക്കം കുറിച്ച് പ്രധാനമന്ത്രി നരേന്ദ്ര മോദി. ബിഹാറിനെ മുന്നോട്ട് നയിക്കുന്നതിൽ അതുല്യമായ പങ്ക് വഹിക്കുന്ന മുഖ്യമന്ത്രി നിതീഷ് കുമാറിന് എല്ലാവിധ പിന്തുണയും അറിയിക്കുന്നതായി അദ്ദേഹം പ്രഖ്യാപിച്ചു.
ശരിയായ സർക്കാർ അധികാരത്തിൽ ഇരിക്കുമ്പോഴാണ് വികസനവും ജനോപകാരപ്രദമായ പദ്ധതികളും നയങ്ങളും ജനങ്ങളിലേക്ക് നേരിട്ട് എത്തുന്നത്. ബിഹാറിന്റെ സമഗ്ര വികസനത്തിന് കേന്ദ്ര- സംസ്ഥാന സർക്കാരുകൾ കൈകോർത്ത് നീങ്ങുകയാണെന്നും പ്രധാനമന്ത്രി വ്യക്തമാക്കി. 900 കോടി രൂപയുടെ മൂന്ന് ബൃഹത് പെട്രോളിയം പദ്ധതികളും പ്രധാനമന്ത്രി ബിഹാർ ജനതക്ക് സമർപ്പിച്ചു.
243 അംഗ ബിഹാർ നിയമസഭയിലേക്ക് വരുന്ന ഒക്ടോബർ- നവംബർ മാസങ്ങളിലാണ് തെരഞ്ഞെടുപ്പ് നടക്കുക. ബിഹാറിൽ ഭരണപക്ഷമായ ജെഡിയു- ബിജെപി സഖ്യത്തിന് ഭരണത്തുടർച്ച ലഭിക്കുമെന്നാണ് കണക്ക് കൂട്ടൽ.
Discussion about this post