കൊച്ചി: സ്വര്ണക്കടത്ത് കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കര് സമര്പ്പിച്ച മുന്കൂര് ജാമ്യഹര്ജിയില് ഹൈക്കോടതി വിധി ഇന്ന്. കസ്റ്റംസ്, എന്ഫോഴ്സ്മെന്റ് കേസുകളില് മുന്കൂര് ജാമ്യം തേടിയാണ് ശിവശങ്കര് കോടതിയെ സമീപിച്ചത്.
അതേസമയം, ശിവശങ്കറിന് ജാമ്യം അനുവദിക്കുന്നതിനെ അന്വേഷണ ഏജന്സികള് എതിര്ത്തിട്ടുണ്ട്. സ്വര്ണക്കടത്തിന്റെ ഗൂഡാലോചനയില് ശിവശങ്കറിന് കൃത്യമായ പങ്കുണ്ടെന്നും ഇതിനായി മുഖ്യമന്ത്രിയുടെ ഓഫീസിലെ ഉന്നതപദവി ദുരുപയോഗം ചെയ്തുവെന്നും എന്ഫോഴ്സ്മെന്റ് കോടതിയിൽ വാദിച്ചു. നിയമപരമായി മുന്കൂര് ജാമ്യഹര്ജി നിലനില്ക്കില്ലെന്ന് കസ്റ്റംസും ഹൈക്കോടതിയെ അറിയിച്ചു.
Discussion about this post