തൃശൂര്: അധോലോക രാജാവിനെ കുറിച്ചുള്ള സംവിധായകന് സിദ്ദിഖിന്റെ വെളിപ്പെടുത്തലില് വിശദമായ അന്വേഷണം വേണമെന്ന് ബി.ജെ.പി നേതാവ് സന്ദീപ് ജി വാര്യര്. സഞ്ജയ് ദത്ത് അടക്കം അറസ്റ്റിലായ കാലത്ത് മലയാള സിനിമയിലെ നടന് സായികുമാറിനെ ദുബായില് നിന്ന് നാട്ടിലെത്തിക്കാന് ദാവൂദ് ഇബ്രാഹിമിന്റെ ആളുകളുടെ സഹായം തേടി എന്ന സംവിധായകന്റെ വെളിപ്പെടുത്തല് ഞെട്ടിക്കുന്നതാണെന്ന് സന്ദീപ് ഫേസ്ബുക്കില് കുറിച്ചു.
മലയാള സിനിമയെ നിയന്ത്രിക്കുന്നത് ഡി കമ്പനിയാണെന്ന തന്റെ ആരോപണത്തെ ശരിവയ്ക്കുന്ന വസ്തുതയാണ് സിദ്ദിഖ് തുറന്ന് പറഞ്ഞിരിക്കുന്നതെന്ന് സന്ദീപ് വ്യക്തമാക്കുന്നു.
‘1993 ലാണ് മുംബൈ സീരിയല് ബോംബ് ബ്ലാസ്റ്റ് നടക്കുന്നത്. ഹിറ്റ്ലര് സിനിമ ഷൂട്ടിംഗ് നടക്കുന്ന 95 – 96 സമയം, ദാവൂദ് ഇബ്രാഹിമിന്റെ ചോരക്കായി ഇന്ത്യന് ഏജന്സികള് ഓടി നടക്കുന്ന കാലം. ബോളിവുഡ് താരങ്ങള് പോലും ഡി കമ്പനിയുമായി സംസാരിക്കാന് ഭയന്ന കാലം. സഞ്ജയ് ദത്ത് അടക്കം അറസ്റ്റിലായ കാലത്ത് മലയാള സിനിമയിലെ നടന് സായികുമാറിനെ ദുബായില് നിന്ന് നാട്ടിലെത്തിക്കാന് ദാവൂദ് ഇബ്രാഹിമിന്റെ ആളുകളുടെ സഹായം തേടി എന്നാണ് സംവിധായകന് സിദ്ദീഖ് മാതൃഭൂമി പ്രസിദ്ധീകരണമായ സ്റ്റാര് ആന്റ് സ്റ്റയിലിന് മാര്ച്ചില് നല്കിയ അഭിമുഖത്തില് പറഞ്ഞിരിക്കുന്നത് . മലയാള സിനിമയെ നിയന്ത്രിക്കുന്നത് ഡി കമ്പനിയാണെന്ന എന്റെ ആരോപണത്തെ ശരിവയ്ക്കുന്ന വസ്തുതയാണ് സിദ്ദീഖ് തുറന്ന് പറഞ്ഞിരിക്കുന്നത്. വിശദമായ അന്വേഷണം ആവശ്യമാണ്.’- സന്ദീപ് വാര്യര് ഫേസ്ബുക്കില് കുറിച്ചു.
സന്ദീപ് വാര്യറുടെ ഫേസ്ബുക്ക് പോസ്റ്റിങ്ങനെ:
1993 ലാണ് മുംബൈ സീരിയൽ ബോംബ് ബ്ലാസ്റ്റ് നടക്കുന്നത്. ഹിറ്റ്ലർ സിനിമ ഷൂട്ടിംഗ് നടക്കുന്ന 95 – 96 സമയം , ദാവൂദ് ഇബ്രാഹിമിൻ്റെ ചോരക്കായി ഇന്ത്യൻ ഏജൻസികൾ ഓടി നടക്കുന്ന കാലം. ബോളിവുഡ് താരങ്ങൾ പോലും ഡി കമ്പനിയുമായി സംസാരിക്കാൻ ഭയന്ന കാലം . സഞ്ജയ് ദത്ത് അടക്കം അറസ്റ്റിലായ കാലത്ത് മലയാള സിനിമയിലെ നടൻ സായികുമാറിനെ ദുബായിൽ നിന്ന് നാട്ടിലെത്തിക്കാൻ ദാവൂദ് ഇബ്രാഹിമിൻ്റെ ആളുകളുടെ സഹായം തേടി എന്നാണ് സംവിധായകൻ സിദ്ദീഖ് മാതൃഭൂമി പ്രസിദ്ധീകരണമായ സ്റ്റാർ ആൻറ് സ്റ്റയിലിന് മാർച്ചിൽ നൽകിയ അഭിമുഖത്തിൽ പറഞ്ഞിരിക്കുന്നത് . മലയാള സിനിമയെ നിയന്ത്രിക്കുന്നത് ഡി കമ്പനിയാണെന്ന എൻ്റെ ആരോപണത്തെ ശരിവയ്ക്കുന്ന വസ്തുതയാണ് സിദ്ദീഖ് തുറന്ന് പറഞ്ഞിരിക്കുന്നത്. വിശദമായ അന്വേഷണം ആവശ്യമാണ്.
https://www.facebook.com/Sandeepvarierbjp/posts/5695024027205983
‘വിഷുവിനു ഹിറ്റ്ലര് റിലീസ് പ്ലാന് ചെയ്ത് അവസാനഘട്ട ചിത്രീകരണം പുരോഗമിക്കുന്നതിനിടെ തമിഴ്നാട്ടില് സിനിമാ സമരം വന്നു. പൊള്ളാച്ചിയിലായതിനാല് സംഘടനക്കാര് വന്ന് ഞങ്ങളുടെ ഷൂട്ടിങ് നിര്ത്തിച്ചു. അത് വലിയ ടെന്ഷനായി. കാരണം ഷൂട്ടിങ് ഉടന് നടന്നില്ലെങ്കില് വിഷുവിനു റിലീസ് ചെയ്യാന് പറ്റില്ല. ക്ലൈമാക്സ് സെറ്റിന്റെ പണി പൂര്ത്തിയായിരിക്കുകയാണ്. ക്ലൈമാക്സില് കെട്ടിടത്തിന് തീപിടിക്കുന്ന സീന് ഞങ്ങള് ആദ്യം സെറ്റ് പണി തുടങ്ങിയ സമയത്ത് ഷൂട്ട് ചെയ്തു വെച്ചതിരുന്നു. അതിനിടെ ഗള്ഫില് സ്റ്റേജ് ഷോയ്ക്ക് പോയ സായ്കുമാറും വന്നില്ല. എത്ര ശ്രമിച്ചിട്ടും സായ്കുമാര് തിരികെ വരാന് തയ്യാറായില്ല. അന്ന് ദാവൂദ് ഇബ്രാഹിമിന്റെ ആളുകള് വഴിയാണ് സായ്കുമാറിനെ തിരികെയെത്തിച്ചത്. അധികം വൈകാതെ സമരം തീര്ന്നു’.- സ്റ്റാര് ആന്റ് സ്റ്റെയിലിനു നല്കിയ അഭിമുഖത്തില് സിദ്ദിഖ് പറഞ്ഞു.
Discussion about this post