അങ്കമാലി പുളിയനത്ത് സില്വര് ലൈന് കല്ലുകള് പിഴുതു മാറ്റി കൂട്ടിയിട്ട് റീത്തു വെച്ചു. രാത്രിയിലാണ് സംഭവം. ത്രിവേണി പാടശേഖരത്തില് സ്ഥാപിച്ച കല്ലുകളാണ് പിഴുത് മാറ്റിയത്. ഇന്ന് തന്നെ കല്ലുകള് വീണ്ടും സ്ഥാപിക്കുമെന്നാണ് സൂചന. ജനകീയ സമരസമിതിയുടെ നേതൃത്വത്തില് ഇന്ന് പ്രതിഷേധിക്കും.
നേരത്തെ കണ്ണൂര് മാടായിപ്പാറയിസും സമാന സംഭവം നടന്നിരുന്നു. മാടായിപ്പാറ റോഡരികില് എട്ട് സര്വേക്കല്ലുകളാണ് കൂട്ടിയിട്ട് റീത്ത് വച്ച നിലയില് കണ്ടെത്തിയത്. സില്വര് ലൈന് സര്വേക്കെതിരെ പ്രതിഷേധം നിലനില്ക്കുന്ന സ്ഥലമാണിത്. സര്വേക്ക് എത്തിയ ഉദ്യോഗസ്ഥരെ ഇവിടെ തടഞ്ഞ സംഭവവും ഉണ്ടായിരുന്നു. പൊലീസ് സഹായത്തോടെയാണു സര്വേ പൂര്ത്തീകരിച്ചത്.
Discussion about this post