മൈസൂര് സ്വദേശിയായ ഒറ്റമൂലി വൈദ്യന് ഷാബാ ഷെരീഫിനെ നിലമ്പൂരിലേക്ക് തട്ടിക്കൊണ്ട് വന്ന് ഒന്നര വര്ഷം തടവില് പാര്പ്പിച്ച് കൊലപ്പെടുത്തിയ സംഭവം കേന്ദ്ര- സംസ്ഥാന ഇന്റലിജന്സ് ഏജന്സികള് അന്വേഷിക്കുന്നു. പ്രവാസി വ്യവസായി നിലമ്പൂര് കൈപ്പേേഞ്ചരി സ്വദേശി ഷെബിന് അഷ്റഫാണ് സംഭവത്തിലെ ഒന്നാം പ്രതി.
ഷെബിന് അഷ്റഫിന് യു എ ഇയിലുളള ദൂരൂഹ ബന്ധങ്ങളെക്കുറിച്ചും, ചുരുങ്ങിയ കാലം കൊണ്ട് 500 കോടിയലധികം രൂപ സമ്പാദിക്കാന് കഴിഞ്ഞതെങ്ങനെയെന്നുമാണ് ഇന്റലിജന്സ് ഏജന്സികള് അന്വേഷിക്കുന്നത്. ഹവാല ഇടപാടിലൂടെ പണം കൈമാറുന്ന ചില തീവ്രവാദി സംഘങ്ങളുമായി ഷെബിന് അഷ്റഫിന് അടുത്ത ബന്ധമുണ്ടെന്ന് ഇന്റലിജന്സ് ഏജന്സികള് സംശയിക്കുന്നുണ്ട്. രാജ്യാന്തര ഇടപാടുകള് ഈ കേസില് ഉള്പ്പെടുന്നതിനാലാണ് കേന്ദ്ര ഏജന്സികള് അന്വേഷിക്കുന്നത്.
പത്ത് വര്ഷം കൊണ്ട് 500 കോടിയില് പരം രൂപയുടെ സാമ്പാദ്യം ഷെബിന് അഷ്റഫിനുണ്ടെന്നാണ് കണക്കാക്കപ്പെട്ടിരിക്കുന്നത്. അബുദാബിയില് നടന്ന രണ്ട മലയാളികളുടെ കൊലപാതകങ്ങളില് ഷെബിന് അഷ്റഫിന് പങ്കുണ്ടെന്ന സംശയം ബലപ്പെട്ടപ്പോഴാണ് അന്വേഷണം ഇന്റലിജന്സ് ഏജന്സികള് ഏറ്റെടുത്തതും തീവ്രവാദ ഹവാല സംഘങ്ങളിലേക്ക് അന്വേഷണം നീങ്ങിയതും. ഗള്ഫിലെ ദുരൂഹമായ പല കൊലപാതകങ്ങള്ക്ക് പിന്നിലും ഹവാല- തീവ്രവാദ- അധോലോക സംഘങ്ങളുടെ കൈകളുണ്ടെന്ന് നേരത്തെ തന്നെ വിവിധ അന്വേഷണങ്ങള് നിന്ന് വ്യക്തമായിരുന്നു.
ഷെബിന്റെ ബിസിനസ് പങ്കാളികളില് ഒരാള് ആത്മഹത്യ ചെയ്തിരുന്നു. അബൂദാബിയില് ഷെബിന് ഒരു റസ്റ്റോറന്റ് നടത്തുകയായിരുന്നുവെന്നാണ് പറയപ്പെടുന്നതെങ്കിലും അതിലൂടെ ആയിരിക്കില്ല ഇത്രയും പണം സമ്പാദിച്ചതെന്നും അന്വേഷണ സംഘങ്ങള് കരുതുന്നു. മാത്രമല്ല ഷെബിന് അഷ്റഫിന് സാമ്പത്തിക തട്ടിപ്പിന്റെ പേരില് അബുദാബിയിലേക്ക് സഞ്ചാര വിലക്കുമുണ്ട്. ഒരു സ്ത്രീയുള്പ്പെടെ ഇയാളുടെ രണ്ട് ബിസിന് പങ്കാളികള് ദുബായിയില് കൊല്ലപ്പെട്ടുവെന്നാണ് കേരളത്തിലെ അന്വേഷണ സംഘത്തിന് ലഭിച്ചിരിക്കുന്ന വിവരം. ഇത് യു എ ഇ അന്വേണ ഏജന്സികള്ക്ക് കൈമാറിയിട്ടുമുണ്ട്. കേരളത്തിലേക്കുള്ള ഹവാല ഇടപാടുകളില് ഇന്ത്യക്ക് അകത്തും പുറത്തും ഉള്ള തീവ്രവാദ സംഘടനകള്ക്ക് പങ്കുണ്ടെന്ന് നേരത്തെ തന്നെ ഇന്റലിജന്സ് വൃത്തങ്ങള് വെളിപ്പെടുത്തിയിരുന്നു.
ഒറ്റമൂലി വൈദ്യനെ കൊന്ന കേസില് ഷെബിന്റെ കൂട്ടുപ്രതിയായ കൈപ്പഞ്ചേരി തങ്ങളകത്ത് വീട്ടില് നൗഷാദിന്റെ സഹോദരന് അഷറഫിന്റെ വീട്ടുവളപ്പില് നിന്ന് പൊലീസ് സ്ഫോടക വസ്തുക്കള് പിടികൂടിയിരുന്നു. ഇവര്ക്ക് ജലാസ്റ്റിന് സ്റ്റിക്കുകള് അടക്കമുള്ളവ ലഭിച്ചതും തീവ്രവാദി സംഘങ്ങളുമായുള്ള ബന്ധത്തിലൂടെയാണോ എന്നാണ് അന്വേഷിക്കുന്നത്.
കേരളത്തിനകത്തും പുറത്തുമുള്ള നിരവധി ഹവാല സംഘങ്ങള്ക്കായി ഷെബിന് അഷ്റഫ് ക്വട്ടേഷന് എടുത്തിട്ടുണ്ടോ എന്നും അന്വേഷണ ഏജന്സികള് സംശയിക്കുന്നു. തീവ്രവാദ പ്രവര്ത്തനങ്ങള്ക്കാവശ്യമായ പണം ലഭിക്കുന്നത് ഹവാലയിലൂടെയും അതിന്റെ ഭാഗമായ അധോലോക പ്രവര്ത്തനങ്ങളിലൂടെയുമാണ്. അത് കൊണ്ട് ഷെബിന്റെ കയ്യിലൂള്ള ശതകോടികള് ഈ വഴി ലഭിച്ചതാകാമെന്നാണ് ഇന്റലിജന്സ് വൃത്തങ്ങള് കരുതുന്നു. ഇത് മുന് നിര്ത്തിയാണ് കേന്ദ്ര- സംസ്ഥാന ഇന്റലജന്സ് ഏജന്സികള് ഈ വഴിയിലേക്ക് അന്വേഷണം വ്യാപിപ്പിച്ചത്.
Discussion about this post