ജോധ്പൂർ: മുൻ പ്രധാനമന്ത്രി ജവഹർ ലാൽ നെഹ്രുവിനെ കടന്നാക്രമിച്ച് കേന്ദ്ര ആഭ്യന്തരമന്ത്രി അമിത് ഷാ. ജമ്മു കശ്മീരിൽ ആർട്ടിക്കിൾ 370 നടപ്പാക്കിയതിലൂടെ കോൺഗ്രസ് നേതാവും മുൻ പ്രധാനമന്ത്രിയുമായ ജവഹർലാൽ നെഹ്റു തെറ്റ് ചെയ്തുവെന്ന് അമിത് ഷാ ആരോപിച്ചു. രാജസ്ഥാനിലെ ജോധ്പൂരിൽ തെരഞ്ഞെടുപ്പ് റാലിയിൽ സംസാരിക്കുകയായിരുന്നു അദ്ദേഹം. വിവാദ നിയമം നിർത്തലാക്കി കശ്മീരിൽ ഇന്ത്യൻ പതാക ഉയർത്തിയതിന് പ്രധാനമന്ത്രി നരേന്ദ്ര മോദിയെ അദ്ദേഹം അഭിനന്ദിച്ചു.
ബി.ജെ.പി ജനങ്ങൾക്ക് നൽകിയ എല്ലാ വാഗ്ദാനങ്ങളും പ്രധാനമന്ത്രി നിറവേറ്റി. മുൻ പ്രധാനമന്ത്രി ജവഹർലാൽ നെഹ്റു കശ്മീരിൽ ആർട്ടിക്കിൾ 370 നടപ്പിലാക്കുന്നതിലൂടെ തെറ്റ് ചെയ്തു. 2019 ഓഗസ്റ്റ് 5 ന് ആർട്ടിക്കിൾ 370 അവസാനിപ്പിച്ച് പ്രധാനമന്ത്രി മോദി കശ്മീരിൽ ഇന്ത്യൻ പതാക ഉയർത്തി’ അമിത് ഷാ പറഞ്ഞു.
അയോദ്ധ്യയിലെ രാമക്ഷേത്രത്തിന് തറക്കല്ലിട്ടതിനും പ്രധാനമന്ത്രി മോദിയെ അമിത് ഷാ പ്രശംസിച്ചു. പതിറ്റാണ്ടുകളായി രാമക്ഷേത്ര വിഷയം കോൺഗ്രസ് അവഗണിക്കുകയാണെന്ന് അദ്ദേഹം ആരോപിച്ചു.
Discussion about this post