ന്യൂഡൽഹി: എയിംസ് നാഗ്പൂരിന് നാഷണൽ അക്രഡിറ്റേഷൻ ബോർഡ് ഫോർ ഹോസ്പിറ്റൽസ് ആൻഡ് ഹെൽത്ത് കെയർ പ്രൊവൈഡേഴ്സ് (എൻഎബിഎച്ച്) അക്രഡിറ്റേഷൻ ലഭിച്ചു. ആദ്യമായാണ് ഒരു എയിംസ് ആശുപത്രിയ്ക്ക് എൻഎബിഎച്ച് അക്ഡിറ്റേഷൻ ലഭിക്കുന്നത്. ഗുണനിലവാരമുള്ള ആരോഗ്യസേവനങ്ങൾ നൽകുന്ന നാഗ്പൂർ എയിംസിന് എൻഎബിഎച്ച് അക്രഡിറ്റേഷൻ ലഭിച്ചു. അഭിനന്ദനങ്ങൾ എന്ന് പ്രധാനമന്ത്രി നരേന്ദ്രമോദി കുറിച്ചു.
എയിംസ് നാഗ്പൂർ എൻഎബിഎച്ച് അക്രഡിറ്റേഷൻ നേടുന്ന ആദ്യ എയിംസ് ഹോസ്പിറ്റലാണ്, ഇത് ലോകത്തിലെ മുൻനിര ആശുപത്രി അക്രഡിറ്റേഷൻ മാനദണ്ഡങ്ങൾക്ക് തുല്യമാണ്, ഇത് ഉയർന്ന നിലവാരമുള്ള രോഗി പരിചരണം, സുരക്ഷ, തുടങ്ങിയവയ്ക്കുള്ള അംഗീകാരമാണെന്ന് ഹോസ്പിറ്റൽ അധികൃതർ കുറിച്ചു.
അതേസമയം, നാഗ്പൂരിലെ എയിംസിലെ ഡോക്ടർമാരെയും ജീവനക്കാരെയും ആരോഗ്യ കുടുംബക്ഷേമ മന്ത്രി ഡോ മൻസുഖ് മാണ്ഡവ്യ അഭിനന്ദിച്ചു.ഈ മഹത്തായ നേട്ടത്തിന് @AIIMSNagpur-ലെ ഡോക്ടർമാർക്കും ജീവനക്കാർക്കും അഭിനന്ദനങ്ങൾ എന്ന് മന്ത്രി ഡോ മൻസുഖ് മാണ്ഡവ്യ ട്വിറ്ററിൽ കുറിച്ചു. അത്യാധുനിക സൗകര്യങ്ങളും നൂതന അടിസ്ഥാന സൗകര്യങ്ങളും ഉപയോഗിച്ച്, ഇൻസ്റ്റിറ്റ്യൂട്ട് രോഗികളുടെ പരിചരണം, അക്കാദമിക്, ഗവേഷണം എന്നിവയിൽ ശ്രദ്ധേയമായ പുരോഗതി കൈവരിച്ചു, കൂടാതെ ആരോഗ്യകരമായ ഇന്ത്യ സൃഷ്ടിക്കുന്നതിൽ വലിയ സംഭാവന നൽകുകയും ചെയ്തവെന്ന് അദ്ദേഹം ചൂണ്ടിക്കാട്ടി.
എൻഎബിഎച്ച് അക്രഡിറ്റേഷൻ ആരോഗ്യ പരിരക്ഷയുടെ ഗുണനിലവാരത്തിന് ആഗോളതലത്തിൽ അംഗീകരിക്കപ്പെട്ട ഒരു മാനദണ്ഡമാണ്.എൻഎബിഎച്ച് അക്രഡിറ്റേഷൻ പ്രക്രിയ കർശനവും സമഗ്രവുമാണ്, കൂടാതെ രോഗി പരിചരണം, സുരക്ഷ, സംഘടനാപരമായ കാര്യക്ഷമത എന്നിവയുൾപ്പെടെ നിരവധി മേഖലകളിലെ ആശുപത്രിയുടെ പ്രകടനം ഇത് വിലയിരുത്തുന്നു. ഈ മേഖലകളിലെല്ലാം മികവിനുള്ള പ്രതിബദ്ധത പ്രകടമാക്കിയാണ് എയിംസ് നാഗ്പൂരിന് ഈ അംഗീകാരം നേടാനായത്.
Discussion about this post