മുംബൈ: മുന്‍ ഇന്ത്യന്‍ ക്യാപ്റ്റന്‍ മഹേന്ദ്ര സിങ് ധോണി ‘ഗള്‍ഫ് ഓയില്‍ ഇന്ത്യ’യുടെ ചീഫ് എക്‌സിക്യൂട്ടീവ് ഓഫീസര്‍ ആയി ചുമതലയേറ്റു. തിങ്കളാഴ്ച അന്ധേരിയിലുള്ള ഹെഡ് കോട്ടേഴ്‌സില്‍ വച്ച് നടന്ന ചടങ്ങിലാണ് അദ്ദേഹം സി.ഇ.ഒ ആയി ചുമതലയേറ്റത്. സി.ഇ.ഒ ആയി ചുമതലയേറ്റ ശേഷം ധോണി മറ്റ് മുതിര്‍ന്ന കമ്പനി ഉദ്യോഗസ്ഥരുമായിട്ടുള്ള ചര്‍ച്ചയില്‍ പങ്കെടുത്തു. ചര്‍ച്ചയില്‍ വച്ച് അദ്ദേഹം കുറെ പുതിയ തീരുമാനങ്ങള്‍ കൈക്കൊണ്ടു. ധോണിയുടെ വാണിജ്യപരമായ കാര്യങ്ങള്‍ കൈകാര്യം ചെയ്യുന്നത് അരുണ്‍ പാണ്ഡൈ ആണ്. അദ്ദേഹവും ചര്‍ച്ചയില്‍ സന്നിഹിതനായിരുന്നു.
നീണ്ട നാളത്തെ പരിശ്രമത്തിനു ശേഷമാണ് ധോണിയുമായുള്ള ചര്‍ച്ചയ്ക്ക് അവസരം ലഭിച്ചതെന്ന് കമ്പനി വക്താക്കള്‍ അറിയിച്ചു. ധോണിയുടെ സന്ദര്‍ശനം കമ്പനി ജീവനക്കാരെ ഏറെ ആവേശത്തിലാക്കി.
Discussion about this post