ഡല്ഹി: കേന്ദ്ര ആഭ്യന്തരമന്ത്രി രാജ്നാഥ് സിങുമായി കേരള ഗവര്ണര് പി സദാശിവം കൂടിക്കാഴ്ച നടത്തി. രാജ്നാഥ് സിങിന്റെ ഡല്ഹിയിലെ ഓഫീസില് നടന്ന കൂടിക്കാഴ്ച ഏതാണ്ട് പതിനഞ്ച് മിനുട്ട് നീണ്ടു നിന്നു. കൂടിക്കാഴ്ചയില് കണ്ണൂരിലെ രാഷ്ട്രീയ കൊലപാതകങ്ങളും ഗവര്ണര്ക്ക് എതിരായ സംസ്ഥാന ബിജെപി നേതാക്കളുടെ വിമര്ശനവും ചര്ച്ചാ വിഷയമായതായാണ് സൂചന.
സംസ്ഥാന ബിജെപി നേതാക്കള് നടത്തിയ വിമര്ശനത്തിലുള്ള അതൃപ്തി ഗവര്ണര് കേന്ദ്ര ആഭ്യന്തര മന്ത്രിയോട് പറഞ്ഞതായി സൂചനകളുണ്ടെങ്കിലും അത് സ്ഥിരീകരിക്കപ്പെട്ടില്ല. അതേസമയം, കൂടിക്കാഴ്ചയെ കുറിച്ച് പ്രതികരിക്കാന് ഗവര്ണര് തയ്യാറായില്ല.
കണ്ണൂരില് ബിജെപി പ്രവര്ത്തകന് കൊല്ലപ്പെട്ടതിന് പിന്നാലെ ശക്തമായ നടപടി സ്വീകരിക്കണമെന്നാവശ്യപ്പെട്ട് ബിജെപി പ്രവര്ത്തകര് ഗവര്ണര്ക്ക് നിവേദനം നല്കിയിരുന്നു. അഫ്സ്പ നടപ്പിലാക്കണമെന്ന ആവശ്യവും ഇവര് ഉന്നയിച്ചിരുന്നു. തനിക്ക് ലഭിച്ച നിവേദനം ഗവര്ണര് മുഖ്യമന്ത്രിക്ക് കൈമാറുകയും ചെയ്തിരുന്നു.
Discussion about this post