ഹൈദരാബാദ്: മനുഷ്യാവകാശം സംരക്ഷിക്കുന്നതില്‍ നമ്മുടെ സൈന്യത്തിന് മികച്ച ചരിത്രമാണുള്ളതെന്ന് കരസേന മേധാവി ജനറല്‍ ബിപിന്‍ റാവത്ത് വിശദീകരിച്ചു്. കശ്മീരില്‍ കല്ലേറ് നടത്തിയവര്‍ക്കെതിരെ യുവാവിനെ മനുഷ്യകവചമാക്കിയ നടപടി സൈന്യത്തിന്റെ സ്റ്റാന്റേര്‍ഡ് ഓപ്പറേറ്റിങ് പ്രൊസീഡറിന്റെ ഭാഗമല്ല. സാഹചര്യങ്ങള്‍ക്കനുസരിച്ചാണ് സൈന്യം പ്രതികരിക്കുന്നതെന്നും അദ്ദേഹം പറഞ്ഞു.
ദക്ഷിണ കാശ്മീരിലെ ചില ഭാഗങ്ങളില്‍ പ്രശ്‌നമുണ്ട്. അവ നിയന്ത്രിക്കുന്നതിനുള്ള നടപടികള്‍ സ്വീകരിക്കുന്നുണ്ട്. ആശങ്കയുടെ ആവശ്യമില്ലെന്നും കരസേന മേധാവി വ്യക്തമാക്കി. തെറ്റായ വിവരങ്ങളും വഴിതെറ്റിക്കുന്ന സന്ദേശങ്ങളും പരക്കുന്നതാണ് കാശ്മീരിലെ യുവാക്കളെ ആയുധം എടുക്കാന്‍ പ്രേരിപ്പിക്കുന്നത്. അധികം വൈകാതെ ഈ യുവാക്കള്‍ ഇത് തിരിച്ചറിയുമെന്ന് പ്രതീക്ഷിക്കുന്നു. . സുരക്ഷാസേനയ്ക്ക് താഴ്!വരയില്‍ സമാധാനം വരണമെന്നാണ് ആഗ്രഹം. കശ്മീരില്‍ കാര്യങ്ങള്‍ നിയന്ത്രണത്തിലാക്കുന്നതിന് സൈന്യം മികച്ച പ്രവര്‍ത്തനമാണ് നടത്തുന്നതെന്നും കരസേനാ മേധാവി പറഞ്ഞു.
ജനങ്ങളുടെ അവകാശങ്ങള്‍ ലംഘിക്കുന്ന ഒരു പ്രവര്‍ത്തനവും സൈന്യം ചെയ്യുന്നില്ല. സ്ത്രീകളും കുട്ടികളും പ്രക്ഷോഭങ്ങള്‍ക്ക് മുന്‍ നിരയില്‍ വരികയാണെങ്കില്‍ എങ്ങനെ നേരിടണമെന്ന് സൈനീകര്‍ക്ക് അറിയാം. കടുത്ത നടപടികള്‍ ഒന്നും സ്വീകരിക്കില്ല.
Discussion about this post