വാഷിംഗ്ടണ്: എച്ച് വണ് ബി, എല് 1 പോലുള്ള താത്കാലിക വീസ ചട്ടങ്ങള് പുതുക്കുന്നത് കര്ശനമാക്കി അമേരിക്ക. യുഎസ് സിറ്റിസണ്ഷിപ്പ് ആന്ഡ് ഇമിഗ്രേഷന് സര്വീസസ് (യുഎസ്സിഐഎസ്) ആണ് വീസ നയം തിരുത്തിക്കൊണ്ടുള്ള ഉത്തരവ് പുറപ്പെടുവിച്ചത്. ഇന്ത്യന് തൊഴിലന്വേഷകരെ സാരമായി ഇത് ബാധിക്കും.
വീസ ലഭിക്കാനുള്ള അതേ മാനദണ്ഡംതന്നെയായിരുന്നു പുതുക്കാനും. എന്നാല്, ഇനി മുതല് ഓരോ തവണ പുതുക്കുമ്പോഴും വീസയ്ക്ക് അര്ഹത തെളിയിക്കേണ്ട ഉത്തരവാദിത്വം അപേക്ഷിക്കുന്ന കമ്പനിയുടേതാകും. അമേരിക്കയില് പ്രവര്ത്തിക്കുന്ന ഇന്ത്യന് ഐടി ജീവനക്കാര് ഏറ്റവും കൂടുതല് ഉപയോഗിക്കുന്നത് താത്കാലിക വീസകളാണ്. ഇതോടെ പുതിയ അപേക്ഷയില് അമേരിക്കയില് തങ്ങുന്ന മറ്റു ഇന്ത്യക്കാരും ആശങ്കയിലാണ്.
നിലവില് വീസയുള്ളവര്ക്കും പുതിയ വ്യവസ്ഥ തിരിച്ചടിയാകുമെന്ന് അമേരിക്കന് ഇമിഗ്രേഷന് ലോയേഴ്സ് അസോസിയേഷന് പ്രസിഡന്റ് വില്യം സ്റ്റോക്ക് പറഞ്ഞു.
Discussion about this post