പാലക്കാട്: കൃസ്ത്യാനി പെണ്‍കുട്ടിയെ പ്രണയിച്ചതിന് ഒരു സംഘം ആളുകളുടെ മര്‍ദ്ദനമേറ്റ യുവാവ് ആത്മഹത്യ ചെയ്ത് നിലയില്‍. പാലക്കാട് ജില്ലയിലെ അട്ടപ്പാടിയിലാണ് സംഭവം അരങ്ങേറിയത്. 21 കാരനായ സുധീഷാണ് ആത്മഹത്യ ചെയ്തത്. പ്രണയത്തെ കുറിച്ചുള്ള വിവരം വീട്ടിലറിഞ്ഞതിന് പിന്നാലെ പെണ്‍കുട്ടിയുടെ പിതാവും സംഘവും ചേര്‍ന്ന് സുധീഷിനെ ക്രൂരമര്‍ദ്ദനത്തിന് ഇരയാക്കിയിരുന്നു.
തലയ്ക്കും അടിവയറ്റിനും ക്രൂരമായ മര്‍ദ്ദനമേറ്റതിന് പിന്നാലെ വീട്ടിലെത്തിയ സുധീഷ് ആത്മഹത്യ ചെയ്യുകയായിരുന്നു. ആത്മഹത്യ കുറിപ്പില്‍ മര്‍ദ്ദിച്ചവരുടെ പേരുകള്‍ എഴുതിയിട്ടുണ്ട്.സംഭവവുമായി ബന്ധപ്പെട്ട് മൂന്ന് പേരെ അഗളി പൊലീസ് അറസ്റ്റ് ചെയ്തിട്ടുണ്ട്. പ്രതികള്‍ വിവിധ രാഷ്ട്രീയപാര്‍ട്ടി പ്രവര്‍ത്തകരാണെന്നാണ് വിവരം.
പെണ്‍കുട്ടിയുടെ പിതാവും പിതൃസഹോദരനും അനീഷ് എന്നൊരാളും യുവാവിനെ ക്രൂരമായി മര്‍ദ്ദിക്കുകയായിരുന്നു. തലക്കും മുഖത്തും അടിവയറിനും ക്രൂരമായ മര്‍ദ്ദനമാണ് സുധീഷിന് നേരിടേണ്ടി വന്നത്. ഞായറാഴ്ച്ചയായിരുന്നു സംഭവം. മര്‍ദ്ദനത്തില്‍ കടുത്ത മനോവിഷമത്തിലായിരുന്ന സുധീഷ് തിങ്കളാഴ്ച ആത്മഹത്യ ചെയ്യുകയായിരുന്നു.
കഴിഞ്ഞ വര്‍ഷം കൊല്ലം അഴീക്കല്‍ബീച്ചില്‍ സദാചാര ഗുണ്ടകളുടെ ആക്രണമണത്തിന് ഇരയായതിനെ തുടര്‍ന്ന് ആത്മത്യ ചെയ്ത അനീഷിന്റെ നാട്ടുകാരനാണ് മരണപ്പെട്ട സുധീഷ്. മര്‍ദ്ദനത്തെ തുടര്‍ന്ന് ശരീരത്തില്‍ രക്തംകടപിടിച്ചിരുന്നതായും എല്ലൊടിഞ്ഞിരുന്നതായും പോസ്റ്റുമോര്‍ട്ടം റിപ്പോര്‍ട്ടില്‍ തെളിഞ്ഞിട്ടുണ്ട്.
Discussion about this post