ത്രിപുരയിലെ വിജയം യുഗപിറവിയെന്ന് മോദി

ഡല്‍ഹി: ത്രിപുരയില്‍ ബി.ജെ.പി നേടിയത് ഐതിഹാസികവും അസാധാരണവുമായ വിജയമാണെന്ന് നരേന്ദ്ര മോദി പറഞ്ഞു. പൂജ്യത്തില്‍ നിന്ന് 42 സീറ്റ് നേടി ബി.ജെ.പി അധികാരത്തില്‍ വന്നതിന് പിന്നില്‍ വികസന അജണ്ടയും പാര്‍ട്ടിയുടെ സംഘടനാ ശക്തിയുമാണ് വെളിവാക്കുന്നതെന്നും മോദി ട്വിറ്ററിലൂടെ പറഞ്ഞു.

The historic victory in Tripura is as much an ideological one. It is a win for democracy over brute force and intimidation. Today peace and non-violence has prevailed over fear. We will provide Tripura the good government that the state deserves.

— Narendra Modi (@narendramodi) March 3, 2018

ത്രിപുര, മേഘാലയ. നാഗാലന്‍ഡ് എന്നിവിടങ്ങളില്‍ ബി.ജെ.പിയുടെ വിജയത്തിനായി പ്രവര്‍ത്തിച്ച എല്ലാ പ്രവര്‍ത്തകരുടെ മുന്നില്‍ തല കുനിക്കുകയാണ്. മികച്ച ഭരണത്തേയും കിഴക്കിനെ നോക്കി പ്രവര്‍ത്തിക്കു എന്ന നയത്തേയും അംഗീകരിച്ച ജനങ്ങള്‍ക്കും ബി.ജെ.പിക്കൊപ്പം നിന്ന സഖ്യകക്ഷികള്‍ക്കും നന്ദി രേഖപ്പെടുത്തുന്നു. ജനങ്ങളുടെ സ്വപ്നങ്ങള്‍ നിറവേറ്റാന്‍ തുടര്‍ന്നും പ്രവര്‍ത്തിക്കുമെന്നും മോദി പറഞ്ഞു.