അഗര്‍ത്തല:ത്രിപുരയിലെ ചാരിലാം മണ്ഡലത്തില്‍ നടന്ന തിരഞ്ഞെടുപ്പില്‍ ബിജെപിക്ക് ജയം. സ്ഥാനാര്‍ഥിയുടെ മരണത്തെ തുടര്‍ന്ന് നീട്ടിവച്ച തിരഞ്ഞെടുപ്പില്‍ ഉപമുഖ്യമന്ത്രിയായ ജിഷ്ണു ദേബര്‍മനാണ് വിജയിച്ചത്. മാര്‍ച്ച് 12 നാണ് ഇവിടെ തിരഞ്ഞെടുപ്പ് നടന്നത്.
26510 വോട്ടുകള്‍ക്കാണ് ജിഷ്ണു ദേബര്‍മന്‍ വിജയിച്ചത്. സിപിഎം സ്ഥാനാര്‍ഥിയായ രമേന്ദ്ര നാരായണ്‍ ദേവ് ബര്‍മ അന്തരിച്ചതിനെ തുടര്‍ന്ന് തിരഞ്ഞെടുപ്പ് മാറ്റിവച്ചിരിക്കുകയായിരുന്നു. നിയമസഭാ തിരഞ്ഞെടുപ്പ് ഫലപ്രഖ്യാപനത്തിന് ശേഷം ത്രിപുരയിലുണ്ടായ അക്രമത്തില്‍ പ്രതിഷേധിച്ച് സിപിഎം തിരഞ്ഞെടുപ്പ് ബഹിഷ്‌കരിച്ചിരുന്നു
Discussion about this post